to download

alpha zawgyi font

မြန်မာပြည်တွင်း ပထမဆုံး နိုင်ငံရေးဂျာနယ် ထွက်မည်ဟုဆို
ဖနိဒါ
တနင်္လာနေ့၊ ဇန်နဝါရီလ 26 2009 18:59 - မြန်မာစံတော်ချိန်
(မဇ္ဈိမ သတင်းဋ္ဌာနမှ ကောက်နှတ်တင်ပြပါသည်)

ချင်းမိုင်(မဇ္ဈိမ) ။ ။ ဆင်ဆာဖြတ်တောက်မှုဆိုးရွားလှသည့် မြန်မာပြည်တွင် နိုင်ငံရေးအကြောင်းအရာများ ဖော်ပြမည်ဆိုသော ဂျာနယ်တခုကို လာမည့် ကြာသာပတေးနေ့တွင် ထုတ်ဝေသွားမည်ဟု သိရသည်။၂၀၁၀ ရွေးကောက်ပွဲအမှီ နိုင်ငံရေးအမြင်၊ သုံးသပ်ချက်နှင့် ဆောင်းပါးများ အဓိက ဖော်ပြမည်ဆိုသော Northern Star ဥတ္တရအလင်းဂျာနယ်ကို စစ်မှုထမ်းဟောင်းတဦးဖြစ်ပြီး အစိုးရအာဘော် မြန်မာ့အလင်းသတင်းစာ ဒုတိယအယ်ဒီတာချုပ်ဟောင်း ဦးသီဟအောင်က အယ်ဒီတာချုပ်အဖြစ် တာဝန်ယူမှာဖြစ်သည်။"မြန်မာနိုင်ငံ ဒီမိုကရေစီကို သွားနေတယ်လေ။ ဒီမိုကရေစီ အသွင် ကူးပြောင်းရေးကာလမှာ သတင်းစာဆရာ၊ စာရေး ဆရာတွေ ရေးသားခဲ့တဲ့ အမှတ်ရစရာလေးတွေ၊ တိုင်းပြည်အတွက် အကျိုးရှိမဲ့ဟာတွေ ပြန်ရီဗျူးလုပ်ပြီးတော့၊ နောက်ပိုင်း ပါတီတွေ ဖွဲ့တော့မယ်။ စည်းရုံးရေးတွေ လုပ်တော့မယ်။ ရွေးကောက်ပွဲ လုပ်တော့မယ်။ အတိတ်ကို နည်းနည်းပြန်တည်ပြီး လမ်းမှန်ပေါ့နော်။ အန်ကယ်တို့ မြင်တဲ့ ပုံစံအတိုင်း သွားသင့်တယ်ဆိုတဲ့ အယူအဆနဲ့ ထုတ်ဝေမှာပါ"ဟု ဦးသီဟအောင်က ပြောသည်။ "၈၈ကနေ ၂၀၀၈ထိ နှစ်ပေါင်း ၂၀ထိ ဖြတ်သန်းခဲ့ရပြီလေ။ တိုင်းပြည်တွင်းမှာ ပြည်သူတွေက သိတာလည်း ရှိတယ်၊ မသိတာတွေလည်း ရှိတယ်။ တချို့က သိပေမယ့် မေ့သွားတာတွေရှိတယ်။ သမိုင်းထဲမှာ မှတ်တိုင်တွေ ဆိုတာ ရှိတယ်လေ။ အဲဒီအရေးကြီးတဲ့ ကာလတွေကို ပြည်သူလူထုက ပြန်လည် သိရှိ၊ မှတ်မိပြီးတော့ ခုဖြစ်နေတဲ့ နောက်ဆုံး အခြေအနေတွေကို ပေါင်းစပ်ပြီးတော့ လေ့လာသုံးသပ်နိုင်အောင် တင်ပြမှာပါ"ဟု သူက ဆက်ပြောသည်။ ပထမဆုံးထွက်ရှိမည့် စာစောင်တွင် ဒီမိုကရေစီအသွင် ကူးပြောင်းရေးနှင့် စာနယ်ဇင်းသမားများ၏ အခန်းဏ္ဍ၊ မောင်ဝံသ၊ မောင်စူးစမ်း၊ ကျော်ဝင်းတို့၏ ဆောင်းပါးများ ပါဝင်မည်ဟု သိရသည်။"အဓိက ရည်ရွယ်ချက်ကတော့ အခုအများအားဖြင့် အန်ကယ်တို့မှာ အားနည်းနေတာက နိုင်ငံရေးနဲ့ ပတ်သက်ပြီးတော့ အကြောင်းအရာ အပြည့်အ၀ ပေးတဲ့ ဂျာနယ်မရှိဘူး။ ကိုယ်ယုံကြည့်ရာ ကိုယ်လုပ်ကြတာလေ။ ၂၀၀၉- ၂၀၁၀က ဒီအချိန်မှာ နိုင်ငံရေးနှင့် ပတ်သက်တဲ့ အသိပညာ၊ အတွေ့အကြုံတွေ၊ အယူအဆတွေ ချပြဖို့ ဆိုတာ နည်းနည်းနဲ့ ချပြဖို့ ဆိုတာ မလွယ်ဘူး။ နိုင်ငံရေးနဲ့ ပတ်သက်တာ တော်များများပါပြီးတော့ ပြည်သူလူထု စဉ်းစားလာနိုင်အောင် သမာသမတ် ကျကျနဲ့ ချပြမယ်။ တိုင်းပြည်ကောင်းစေချင်လို့ပါပဲ။ ဒီတခုပါပဲ"ဟု ဦးသီဟအောင်က ပြောသည်။ သို့သော် စာပေကင်ပေတိုင်ဟု နာမည်ဆိုးဖြင့်ကျော်ကြားသော စစ်အစိုးရ၏ ဆင်ဆာဘုတ်အောက်မှာ ပေးဖြတ်ခွင့် မရှိသလောက် နည်းပါးလှသော နေအိမ်အကျယ်ချုပ်ကျခံနေရသည့် ဒေါ်အောင်ဆန်းစုကြည့်နှင့် သူမ၏ပါတီဖြစ်သည့် အမျိုးသားဒီမိုကရေစီအဖွဲ့ချုပ်ဝင်များနှင့် ခေါင်းဆောင်အများအပြား ထောင်ကျခံနေရသည့် ၈၈ မျိုးဆက်ကျောင်းသားများအကြောင်းကိုမူ အကြောင်းတစုံတရာ တိုက်ဆိုင်မှသာလျှင် ရေးသားဖော်ပြဖြစ်ပါလိမ့်မည်ဟု သူက ပြောသည်။ဦးသီဟအောင်သည် ဗိုလ်မှူးအဖြစ် ၁၉၇၂ခုနှစ်မှ ၁၉၉၁ခုနှစ် တပ်မတော် တာဝန်ထမ်းဆာင်ခဲ့သူဖြစ်သည်။ ထို့နောက် ပြန်ကြားရေးဌာနသို့ ပြောင်းရွှေ့ကာ မြန်မာ့အလင်းတွင် ဒုတိယ အယ်ဒီတာချုပ်မှ ညွန်ကြားရေးမှူး၊ အထွေထွေ မန်နေဂျာ ရာထူး တာဝန်များယူခဲ့ပြီး ၂၀၀၇ခုနှစ်တွင် အငြိမ်းစားယူခဲ့သည်။သတင်းစာဆရာဘ၀မှ နိုင်ငံရေးထဲ ၀င်ရောက်လာခဲ့ပြီး ဆိုးရွားလှသော စစ်အစိုးရ၏ အကျဉ်းထောင်ထဲတွင် နှစ် ၂၀ ခန့်နေခဲ့သူ အမျိုးသားဒီမိုကရေစီအဖွဲ့ချုပ် ခေါင်းဆောင်တဦးဖြစ်သူက "ကောင်းပါတယ်၊ ခုလို ထုတ်ဝေမယ်ဆိုရင် ဘာပဲ ထုတ်ထုတ်၊ အမှန်တရားကို အခြေခံထားဖို့ ရေးသားကြဖို့ သတင်းစာ ကျင့်ဝတ် သိက္ခာနဲ့အညီ တည်းဖြတ်ဖို၊့ ဖော်ပြဖို့ပါပဲ။" က မဇ္ဈိမသို့ ပြောသည်။ပြန်ကြားရေး ၀န်ကြီးဌာနမှ ၂၀၀၈ခုနှစ် အောက်တိုဘာလတွင်း ဂျာနယ် ၆စောင်နှင့် မင်္ဂဇင်း ၆စောင်တို့အား ထုတ်ဝေခွင့် ချပေးခဲ့သည်။ ထုတ်ဝေခွင့်မှတ်ပုံတင်ထားသည့် အပတ်စဉ် ဂျာနယ်သည် အနည်းဆုံး ၁၃၀ ထက်ရှိသည်။ပြည်တွင်း အယ်ဒီတာတဦးကမူ ဆင်ဆာဖြတ်တောက်မှု ပိုမိုဆိုးရွားလာသော လက်ရှိအခြေအနေတွင် နိုင်ငံရေးအကြောင်းဆိုလျှင် ပြည်ပနိုင်ငံရေးသာ ပိုမိုရေးခွင့်ရပြီး ပြည်တွင်းနိုင်ငံရေးအတွက်မူ အကန့်အသတ်များလွန်းလှ၍ သိပ်မျှော်လင့်မထားဟု ဆိုသည်။စာမျက်နှာပေါင်း၂၀ ရှိ Northern Star ဂျာနယ်အား ယခုတပတ် ကြာသာပတေးနေ့တွင် စောင်ရေ ၃ထောင် အနည်းဆုံး ဖြန့်ချီမည်ဖြစ်ပြီး တန်ဖိုးအားဖြင့် တစောင်လျှင် ၃၀၀ကျပ်ဖြင့် စတင် ရောင်းချမည်ဟု သိရသည်။

..........................................................................................................

အခွန်တိုးမြှင့်ကောက်ခံခြင်းကြောင့် မီးသွေးလုပ်ငန်းလုပ်ကိုင်သူများ စာဝတ်နေရေးကြပ်တည်းလာ
Monday, 26 January 2009 17:19 ဖြိုးကြီး
(ရိုးမ ၃ သတင်းဋ္ဌာနမှ ကောက်နှတ်တင်ပြပါသည်)

ပလောင်ဒေသအတွင်း အာဏာပိုင်အဖွဲ့များက မီးသွေးလုပ်ငန်းလုပ်ကိုင်နေသူများထံမှ အခွန်များ တိုးမြှင့်ကောက်ခံနေသည့်အတွက် ဒေသခံများ စာဝတ်နေရေးအခြေအနေ ပိုမိုကြပ်တည်းလာသည်။ရှမ်းပြည်နယ်မြောက်ပိုင်း မန်းဝီး-နမ့်ခမ်းလမ်းတလျှောက်တွင် ရဲ၊ သစ်တော၊ စစ်တပ်၊ အကောက်ခွန်နှင့် ပြည်သူ့စစ်အဖွဲ့များက ယခုနှစ်စပိုင်းမှ စတင်ကာ အခွန်များ တိုးမြှင့်ကောက်ခံနေခြင်းကြောင့် ဖြစ်သည်။"ကားတစ်စီးမှာ မီးသွေးက ပိဿ (၆,၀၀၀) လောက်ပဲ တင်လို့ရတယ်၊ အဲဒါ အကုန်ရောင်းမှ (၈) သိန်းလောက်ရတာ၊ ကားခက (၃) သိန်း ပေးရတယ်၊ အဲဒီလမ်းတလျှောက် အာဏာပိုင်အဖွဲ့တွေကို ပေးရတာက (၂) သိန်းခွဲလောက်ကုန်တယ်၊ အရင်တုန်းက ကျနော်တို့ ဒီလောက်မပေးရဘူး၊ အခုတော့ အမြတ်မပြောနဲ့ အရင်းတောင်မရဘူး" ဟု မီးသွေးကုန်သည်တဦးက ပြောသည်။ယခင်ကလဲ ယခုကဲ့သို့ အဖွဲ့ပေါင်းစုံက အခွန်ကောက်ခံခြင်းများရှိခဲ့သော်လည်း ယခုအခါ ပိုမိုတောင်းယူလာသည့်အပြင် နည်းအမျိုးမျိုးဖြင့် ခြိမ်းခြောက်မှုများပါ ရှိနေကြောင်း ဒေသခံကုန်သည်က ဆက်ပြောသည်။ပလောင်လူမျိုးများသည် လ္ဘက်လုပ်ငန်းဖြင့် အသက်မွေးဝမ်းကြောင်းပြုကြသူများ ဖြစ်သော်လည်း လ္ဘက်ရာသီချိန်ပြီးလျှင် မီးသွေးလုပ်ငန်းကို လုပ်ကိုင်ကြပြီး ယခုကဲ့သို့ အာဏာပိုင်အဖွဲ့များက အဆမတန် ငွေကြေးတောင်းယူမှုများကြောင့် ဒေသခံများ စားဝတ်နေရေး ပိုမိုကြပ်တည်းလာကြောင်း တအာဝ်းကျောင်းသားနှင့် လူငယ်များအစည်းအရုံးမှ မိုင်းအောင်ကို က ပြောသည်။"ကျနော်တို့ပလောင်လူမျိုးတွေက လ္ဘက်ရာသီချိန်မဟုတ်တဲ့အခါကျတော့ လ္ဘက်ကနေ အားကိုးလို့ မရတဲ့အခါကျတော့ အဓိက သစ်တောတွေကို သူများဆီက ဝယ်ယူပြီး မီးသွေးဖုတ်ရတာ၊ ပြီးရင် သယ်လာပြီး ရောင်းရတယ်၊ အဲလို အခွန်တွေ မတရားများလာတဲ့အခါကျတော့ ဒီလုပ်ငန်းနဲ့ အဓိက အသက်မွေးဝမ်းကြောင်းနေတဲ့သူတွေ အခြေအနေက တော်တော်ဆိုးရွားလာတယ်" ဟု ပြောသည်။စစ်အစိုးရအာဏာပိုင်များက ပလောင်ဒေသအတွင်း ယခုကဲ့သို့ ငွေကြေး မတရားတောင်းယူနေခြင်းအပြင် အခြား လူ့အခွင့်အရေး ချိုးဖောက်မှုများနှင့် မူးယစ်ဆေးဝါးလုပ်ငန်းများကိုလည်း ပတ်သက်လုပ်ကိုင်နေခြင်းများရှိကြောင်း ဒေသခံများက ပြောသည်။

.....................................................................................................

to download
alpha zawgyi font

လူကုန်ကူးခံရသူ မိန်းကလေး ၃ ဦး စိုးရိမ်ရ
Monday, 26 January 2009 20:21 ကိုစိုး

(ဧရာဝတီ သတင်းဋ္ဌာနမှ ကောက်နှတ်တင်ပြပါသည်)

တရုတ် နိုင်ငံဘက်သို့ နယ်စပ် ဖြတ်ကျော် လူကုန်ကူး ခံခဲ့ရသော မိန်းကလေး ၃ ဦးနှင့် ပတ်သက်သည့် လက်ရှိ အခြေအနေမှန်ကို မကြားသိရ သောကြောင့် မိသားစုဝင်များက အလွန်စိုးရိမ်လျှက်ရှိကြောင်းသိရသည်။ ၂၀၀၈ ခုနှစ် ဧပြီလအတွင်းကတည်းက တရုတ်နိုင်ငံတွင် အထည်ချုပ်လုပ်ငန်း လုပ်ကိုင်ရန်ဟုဆိုကာ ခေါ်ဆောင် သွားခံရသည့် လှိုင်သာယာ ၃ ရပ်ကွက်မှ မဖြိုးသီတာ အသက် ၂၀ နှစ်၊ မသီတာမိုး အသက် ၁၈ နှစ် နှင့် မသန္တာ ၀င်း အသက် ၂၃ နှစ်တို့ကို လွန်ခဲ့သည့် အပတ် ၂၀ ရက်ဝန်းကျင်ခန့်က စတင်အဆက်အသွယ် ပြတ်ခဲ့သော ကြောင့် အလွန် စိုးရိမ်ပူပန်မိသည်ဟု ရန်ကုန်မြို့ရှိ မသန္တာဝင်း၏ ဆွေမျိုးသားချင်းတဦး ကပြောသည်။ “သူတို့ ခေါ်သွားတာ အခုဆိုရင် ၉ လ လောက်ရှိသွားပါပြီ၊ ဆက်သွယ်ပေးတဲ့သူက တလမ်းထဲကပဲ ၊ တလ ကို ကျပ် တသိန်း ပေးမယ်ဆိုပြီး စက်ချုပ်ဖို့ခေါ်သွားတာ၊ ခေါ်တဲ့သူ လင်မယား ၂ ယောက်က ယောက်ျားက တရုတ် က၊ မိန်းမက လှိုင်သာယာက ပဲ၊ ခေါ်သွားပြီးတော့ ဖုန်းအဆက်အသွယ်တွေဘာတွေလည်း သိပ်လုပ်မပေးဘူး၊ ကျမ တို့ကလည်း အဆင်ပြေနေတယ်လို့ ထင်တာပေါ့၊ ဖုန်းခိုးဆက်လို့ရတော့မှ အဆင်မပြေဘူးဆိုတာကို သိရ တယ်၊ အဲဒါ အဆက်အသွယ်မရတော့ အခုစိတ်ပူနေတယ်”ဟု ၎င်းက ဧရာဝတီသို့ ပြောပြသည်။အဆိုပါ မိန်းကလေးများ ပြန်လာနိုင်ရန် စရိတ် အတွက် တဦးလျှင် ကျပ်ငွေ ၉ သိန်း စီ ပို့ပေးရန် လိုအပ်ကြောင်း ခေါ်ဆောင်သွားသူ တရုတ်အမျိုးသားက ဖုန်းဖြင့် ဆက်သွယ်၍ တောင်းခံသည်ဟုလည်း သိရသည်။“သူတို့ကို စက်ချုပ်ဖို့ ခေါ်သွားပြီးတော့ အဲဒီအလုပ်က တလပဲလုပ်ရတယ်၊ အိမ်ထဲမှာထားပြီး သူတို့ခိုင်းတာ လုပ် ရ တယ်၊ ကျွန်လိုခိုင်းတယ်၊ မောက်မောက်မာမာ ဆက်ဆံတယ်ဆိုတာတွေကို ဖုန်းဆက်တော့မှ သိရတယ်၊ ၂၂ ရက်နေ့နောက်ပိုင်း ကောင်မလေးတွေနဲ့ လုံးဝအဆက်အသွယ် မရတော့ဘူး၊ အဲဒါ မနေ့က ခေါ်သွားတဲ့ တရုတ် အမျိုးသားက ကျမတို့ဆီ ဖုန်းဆက်တယ်၊ ပြန်လာလို့ ရဖို့ တယောက်အတွက် ငွေ ၉ သိန်းစီပို့ရမယ်တဲ့၊ နဂို က တည်းက ပိုက်ဆံ မရှိလို့ အလုပ် သွားလုပ်ပါတယ်၊ ဘယ်လိုပို့နိုင်မှာလဲ”ဟု အထက်ပါ မသန္တာဝင်း၏ ဆွေမျိုး သားချင်း ဖြစ်သူက ဆိုသည်။ယင်းမိန်းကလေး ၃ ဦးသည် တရုတ်ပြည် စန့်ဟိုင်းပြည်နယ် ၊ တိုင်းဆက်မြို့၊ နိုင်းဇောင်း ရပ်တွင် ရောက်ရှိနေပြီး ၎င်းတို့သည် မကြာသေးသောကာလတွင် ရောင်းစားခံရမည့် အခြေအနေမျိုးနှင့် ရင်ဆိုင်နေရကြောင်းမိန်းကလေး များနှင့် အဆက်အသွယ်ရခဲ့သည့် တရုတ်-မြန်မာ နယ်စပ် ရွှေလီမြို့ရှိ မြန်မာနိုင်ငံသား တဦး ကပြောပြသည်။ “သူတို့ အလုပ်လုပ်တဲ့ နေရာကထွက်လာတော့ ကျနော်နဲ့ ဖုန်းရတယ်၊ သူတို့ကို မြန်မာပြည်ကနေ ခေါ်လာပြီး တော့ ရောင်းစားခံရမယ့် အခြေအနေမျိုးဖြစ်နေတယ်၊ ကူညီပါဆိုလို့ ကျနော်က သူတို့ ငှားစီးတဲ့ တက္ကစီသမားနဲ့ တရုတ်လိုပြောပြီး အနီးဆုံး ရဲစခန်းကို မောင်းပို့ခိုင်းလိုက်တယ်၊ ကောင်မလေးတွေက တရုတ်စကားလည်း မတတ်ဘူး”ဟု ရွှေလီမြို့ရှိ မြန်မာနိုင်ငံသားက ပြောသည်။၎င်းက ဆက်လက်ပြီး ယခုအခက်အခဲ ဒုက္ခကြုံတွေ့နေသော မိန်းကလေးများက မြန်မာနိုင်ငံ ရှမ်းပြည်နယ် မူဆယ်မြို့ရှိ လူကုန်ကူးမှု တိုက်ဖျက်ရေး ရုံးသို့ ဆက်သွယ် အကူအညီ တောင်းခံခဲ့သော်လည်း ရှေ့ပိုင်းတွင် ထိရောက်သည့် အကူအညီ မရရှိကြောင်းလည်း ပြောဆိုသည်။“အဲဒီ မူဆယ်ရုံးက ရှေ့ပိုင်းမှာ အသေအချာအလုပ်မလုပ်ဘူး၊ ဒီ လူကုန်ကူးမှုထဲမှာ ရဲ တယောက်ပါနေတာကို မထင်ပေါ်စေချင်လို့ပဲလား၊ သူတို့ကိုယ်တိုင် လူကုန်ကူးသူတွေနဲ့ တနည်းနည်း ပတ်သက်နေလို့ ပဲလား မသိဘူး၊ နောက်ပိုင်း အပေါ်က သိသွားပြီး ထောင်းလို့ ထလုပ်တာမျိုး လို့ထင်တယ်၊ ကောင်မလေးတွေ က သူတို့ ဆက် သွယ်တယ်ဆိုတာ ကျနော့်ကို ပြောပြကြတယ်”ဟု ရွှေလီမြို့ရှိ မြန်မာနိုင်ငံသားက ဆိုသည်။မူဆယ်မြို့ရှိ စစ်အစိုးရ လူကုန်ကူးမှုတိုက်ဖျက်ရေးရုံးမှ ထိပ်ပိုင်း တာဝန်ရှိသူ ဒေါ်မီနီဦးက ယင်းမိန်းကလေး များ သည် အရောင်းစားခံရခြင်းမဟုတ်ကြောင်း၊ ၎င်းတို့ဘာသာ အလုပ်အကိုင်အဆင်မပြေသောကြောင့် မြန်မာ နိုင်ငံ သို့ ပြန်ချင်သည့်အတွက် အကူအညီတောင်းခံလာခြင်းသာဖြစ်ကြောင်း ပြောဆိုသည်။“သူတို့က ရောင်းစားခံရတာလည်း မဟုတ်ဘူး၊ လွန်ခဲ့တဲ့ ၉ လ လောက်ကတည်း ရောက်နေတာ၊ ၆ လ လောက် ပဲ လုပ်ရပြီး အခု နောက်ပိုင်း ၂ လ လောက်မှာ တရုတ်မှာလည်း အလုပ်လက်မဲ့တွေဖြစ်တော့ သူတို့ မလုပ်ရ တော့ဘူး၊ အဲဒါနဲ့ ပြန်ချင်လို့ ဒီကို လှမ်းဆက်သွယ်နေတာ၊ သူတို့ကို ပိတ်လှောင်ထားတာမဟုတ်ဘူး၊ အနီးစပ်ဆုံး ရဲစခန်းကို သွားပါလို့၊ အဲဒါ သောကြာနေ့လောက်ကတည်းက ရဲ စခန်းကို ရောက်သွားတယ်၊ ကျမတို့ ရဲ စခန်း အချင်းချင်း လှမ်းဆက်သွယ်တယ်” ဟု ဒေါ်မီနီဦးက ပြောပြသည်။ထို့ကဲ့သို့ အဖြစ်မျိုးကြုံတွေ့ရသည့် မိန်ကလေးများစွာကို မြန်မာနိုင်ငံကို ပြန်ပို့ပေးခဲ့ရကြောင်း၊ တချို့မိန်းကလေး များမှာ လွှဲပြောင်းချိန် လနှင့် ချီ ကြာပြီးမှ မြန်မာဘက်သို့ ပြန်ရောက်သည်များလည်း ရှိဖူးကြောင်း၊ ယခုလက်ရှိ တွင် တရုတ်နိုင်ငံဘက်၌ မြန်မာ မိန်းကလေး ၃ သိန်းခန့် ရှိကြောင်းလည်း ဒေါ်မီနီဦး ကဆိုသည်။ ယင်းမိန်းကလေး ၃ ဦးအား တရုတ်ပြည်ဘက်သို့ သယ်ဆောင် ကူးသန်းသူ လင်မယား နှစ်ဦးမှာ ကိုအံ့ကူ ဆိုသူ တရုတ်အအမျိုးသားနှင့် မနီနီဝင်း ဆိုသူ မြန်မာအမျိုးသမီးတို့ဖြစ်ပြီး ၎င်းတို့အား မည်သို့ အရေးယူ ဆောင်ရွက် မည် ဆိုသည်ကိုမူ မသိရှိရသေးပေ။နောက်ဆုံးအခြေအနေအရ မိန်းကလေး ၃ ဦးမှာ မြန်မာအာဏာပိုင်များနှင့် တရုတ်အာဏာပိုင်များ အဆက် အသွယ်ရပြီး စန့်ဟိုင်းပြည်နယ်ရှိ ဒေသဆိုင်ရာ မြန်မာအာဏာပိုင်များထံ ရောက်ရှိနေကြောင်း သိရသည်။

...................................................................................................

ရိုဟင်ဂျာအရေး ထိုင်းက အလျှော့မပေး
Monday, 26 January 2009 20:20 ဇာနည်ဝင်း

(ဧရာဝတီ သတင်းဋ္ဌာနမှ ကောက်နှတ်တင်ပြပါသည်)

ထိုင်းနိုင်ငံသို့ ပြီးခဲ့သည့် နှစ်များအတွင်း ရိုဟင်ဂျာ နှစ်သောင်းခန့် ရောက်ရှိခဲ့ပြီး၊ အချို့မှာ ထိုင်း နိုင်ငံတွင် သောင်တင် နေကြောင်း ထိုင်းနိုင်ငံခြားရေး ၀န်ကြီးဌာနက ယနေ့ ပြောကြား လိုက်သည်။သို့သော်လည်း မကြာသေးမီ လပိုင်းအတွင်း ရောက်လာသော ရိုဟင်ဂျာများမှာ ယခုအခါ ထိုင်းနိုင်ငံတွင် တဦးတယောက်မှ မကျန်ရှိတော့ဟု ဆိုသည်။အဆိုပါ ရိုဟင်ဂျာများအပေါ် ထိုင်းအစိုးရ၏ ဆက်ဆံမှုနှင့် ပတ်သက်ပြီး စိုးရိမ်ကြောင်း ကုလသမဂ္ဂက ထုတ်ဖော် ပြောဆိုပြီး မကြာမီမှာပင် ယင်းသို့ ပြောကြားလိုက်ခြင်း ဖြစ်သည်။ပြီးခဲ့သည့် အင်္ဂါနေ့တွင် ကမ္ဘာ့ ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR)က ထိုင်းနိုင်ငံ တောင်ပိုင်းရှိ ကျွန်းများပေါ်သို့ ရောက်ရှိခဲ့သော ရိုဟင်ဂျာ ၁၂၆ ဦးနှင့် တွေ့လိုကြောင်း ပြောဆိုခဲ့သည်။ဤအတောအတွင်း ထိုင်း နိုင်ငံခြားရေး ၀န်ကြီးဌာန ပြောခွင့်ရ ပုဂ္ဂိုလ် မစ္စတာ Thani Thongpakdi က ထိုင်းသို့ တရားမ၀င် ရောက်လာမည့် မည်သည့် လှေစီး ခရီးသည်ကိုမဆို ပင်လယ်ဘက်သို့ ပြန်လည် တွန်းပို့သည့် မူဝါဒအတိုင်း ဆက်ဆံသွားမည်ဟု ဟောင်ကောင် အခြေစိုက် South China Morning Post သတင်းစာသို့ ပြောကြားလိုက်သည်။ရိုဟင်ဂျာများသည် ရခိုင်ပြည်နယ် မြောက်ပိုင်းဒေသမှ အစ္စလမ် ဘာသာဝင်များဖြစ်သည်။ နိုင်ငံသားများအဖြစ် သတ်မှတ်ခံရခြင်း မရှိပေ။ မြန်မာစစ်အစိုးရက ထုတ်ပြန်ထားသည့် မြန်မာနိုင်ငံရှိ တိုင်းရင်းသားလူမျိုးစု ၁၃၅ ခု စာရင်းတွင်လည်း ရိုဟင်ဂျာများ ပါဝင်ခြင်း မရှိပေ။နိုင်ငံသား အခွင့်အရေးများ မရရှိသည့် ရိုဟင်ဂျာများက အိမ်နီးချင်း ဘင်္ဂလားဒေ့ရ်ှနိုင်ငံသို့ သွားရောက် ခိုလှုံကြသည်။ UNHCR က ၎င်းတို့ထဲမှ အချို့ကို ဒုက္ခသည်အဖြစ် အသိအမှတ်ပြု စောင့်ရှောက်ထားသည်။UNHCR၏ ကြေညာချက်အရ မြန်မာ-ဘင်္ဂလားဒေ့ရှ် နယ်စပ်ရှိ ဒုက္ခသည်စခန်း ၂ ခုတွင် ရိုဟင်ဂျာ ဒုက္ခသည်ပေါင်း ၂၈၀၀၀ ရှိသည်ဟု ဆိုသည်။ စခန်းအပြင်ဘက်တွင် ဒုက္ခသည်အဖြစ် အသိအမှတ်ပြုခြင်း မခံရသေးသည့် ရိုဟင်ဂျာပေါင်း နှစ်သိန်းခန့် နေထိုင်ကြသည်ဟုလည်း သိရသည်။အဆိုပါ ရိုဟင်ဂျာများက မလေးရှား၊ အင်ဒိုနီးရှား၊ ထိုင်း စသည့်နိုင်ငံများသို့ ပင်လယ် ခရီးဖြင့် စွန့်စား သွားရောက်ကြခြင်း ဖြစ်သည်။“(လှေနဲ့သွားတဲ့ထဲမှာ) ရိုဟင်ဂျာတွေလည်း ပါတယ်။ ဘင်္ဂလားဒေ့ရှ် နိုင်ငံသားတွေလည်း ပါတယ်။ သူတို့ ထွက်ရတဲ့ အကြောင်းရင်းက အလုပ်အကိုင် ရှားပါးမှုက အဓိကပဲ။ တနေရာရာမှာ အလုပ်အကိုင် သွားရှာတယ်။ အဲဒီလိုပဲ ကျနော် သိထားတယ်” ဟု ဘင်္ဂလားဒေ့ရ်ှအခြေစိုက် Narinjara သတင်းဌာနမှ သတင်းထောက်တဦးက ဧရာဝတီသို့ ပြောပြသည်။“တချို့လည်း ပိုက်ဆံမပေးရဘူး၊ ကိုယ့်အစီအစဉ်နဲ့ကိုယ် သွားကြတယ်။ တချို့ဆိုရင်လည်း တာကာငွေ ငါးသောင်း (ဒေါ်လာ ၇၀၀)အထိ ပေးပြီးမှ ထွက်ရတယ်။ ဒါပေမယ့် ဒီကိစ္စနဲ့ပတ်သက်ပြီးတော့ ဘင်္ဂလားဒေ့ရ်ှနိုင်ငံ အနေနဲ့လည်း လူကုန်ကူးသူတွေကို ဖမ်းဆီးမိတာတို့တော့ မတွေ့ရသေးဘူး” ဟု ၎င်းက ဆက်လက် ရှင်းပြသည်။ထိုင်းနိုင်ငံခြားရေး ၀န်ကြီး ဌာန၏ ယနေ့ ထုတ်ပြန်ချက်တွင်လည်း ရိုဟင်ဂျာများ ထိုင်းသို့ အဆက်မပြတ် ၀င်ရောက်နေခြင်းမှာ လူကုန်ကူးသည့် အဖွဲ့အစည်းများနှင့် ဆက်နွယ်မှုရှိကြောင်း ယုံကြည်ရသည်ဟု ဖော်ပြထားသည်။ရိုဟင်ဂျာများ၏ မူရင်းဒေသတွင် စားဝတ်နေရေး အဆင်ပြေစေရန်အတွက် UNHCR အနေဖြင့် နိုင်ငံတကာမှ အကူအညီများ တောင်းခံသင့်သည်ဟု ဆိုသည်။။ထိုင်းနိုင်ငံခြားရေး ၀န်ကြီးဌာနက ထိုင်းသို့ ခိုးဝင် ရောက်ရှိလာသူ ရိုဟင်ဂျာများ အရေးအတွက် ဘင်္ဂလားဒေ့ရှ်၊ အိန္ဒိယ၊ မြန်မာ၊ အင်ဒိုနီးရှား၊ မလေးရှားတို့မှ သံတမန်များကို ဖိတ်ခေါ် ဆွေးနွေးခဲ့ကြောင်း၊ လှေစီးရိုဟင်ဂျာများနှင့် ဆက်စပ်နေသည့် ၆ နိုင်ငံ ပူးပေါင်းဆောင်ရွက်ရေးအတွက် ပထမအဆင့် အစည်းအဝေးကို ထိုင်းနိုင်ငံက အိမ်ရှင်အဖြစ် ဆောင်ရွက်ရန် ကမ်းလှမ်းလိုက်ကြောင်း ကြေညာချက်တွင် ဖော်ပြထားသည်။ ယနေ့ထုတ် Bangkok Post သတင်းစာတွင် ရနောင်းမြို့အနီးရှိ ကျွန်းများပေါ်သို့ တရားမ၀င် ရောက်ရှိလာသည့် ရိုဟင်ဂျာ၂ ဦးကို ဖမ်းဆီးမိခဲ့ကြောင်း ရေးသားထားသည်။ ၎င်းတို့ထဲမှ တဦးက ရနောင်းမြို့အနီး လှေနစ်မြုပ်သွားခဲ့ပြီး အတူ လိုက်ပါလာသူများ၏ ကံကြမ္မာကို မသိရကြောင်း ရဲတပ်ဖွဲ့သို့ ပြောကြားခဲ့သည်ဟု ဆိုသည်။

...................................................................................................

ဂန်ဘာရီ မြန်မာပြည် သွားဦးမည်
Monday, 26 January 2009 20:19 ဧရာဝတီ

(ဧရာဝတီ သတင်းဋ္ဌာနမှ ကောက်နှတ်တင်ပြပါသည်)

ကမ္ဘာ့ ကုသမဂ္ဂ၏ မြန်မာ နိုင်ငံဆိုင်ရာ အထူး အကြံပေး အရာရှိ မစ္စတာ အီဗရာဟင် ဂန်ဘာရီသည် ယခု လကုန်ပိုင်းတွင် မြန်မာနိုင်ငံသို့ သွားရောက်မည် ဖြစ်ကြောင်း အေပီ သတင်းဌာနတွင် ဖော်ပြထားသည်။မစ္စတာ ဂန်ဘာရီသည် ယခုလ ၃၁ ရက်နေ့တွင် မြန်မာနိုင်ငံသို့သွားရောက်မည် ဖြစ်ကြောင်း အမည်မဖော် လိုသည့် သံတမန်တဦးက ပြောကြားသော်လည်း တရားဝင် ကြေညာချက် ထုတ်ပြန်ခြင်း မပြုသေးကြောင်း သိရသည်။ ၎င်း၏ ခရီးစဉ်အတွင်း စစ်အစိုးရနှင့် အတိုက်အခံ ခေါင်းဆောင် ဒေါ်အောင်ဆန်းစုကြည့်တို့အကြား အမျိုးသားပြန်လည်သင့်မြတ်ရေး အတွက် စေ့စပ်ဆွေးနွေးရန် ကြိုးစားသွားမည် ဟုလည်း အေပီက ရေးသားထားသည်။ ကုလသမဂ္ဂ၏ မြန်မာ့အရေးနှင့် ပတ်သက်၍ ကြားဝင် ဆောင်ရွက်ပေးရေးနှင့် ပတ်သက်ပြီး ပြည်ပအခြေစိုက် လူ့ဘောင်သစ် ဒီမိုကရက်တစ် ပါတီ (DPNS) ၏ ဥက္ကဌ ဦးအောင်မိုးဇော်က “အသုံးဝင်တယ်လို့တော့ ထင်တယ်။ ဒါပေမယ့် အခု အနေအထားကတော့ မျှော်လင့်ချက် အတော်နည်းတယ်။ သူတို့နောက်က ရပ်တည်မယ့် နိုင်ငံတွေကြားမှာ ကွဲပြားနေတယ်။ အားရစရာ မကောင်းဘူး။ ပြောထားတာတွေ ထိထိရောက်ရောက် ဖြစ်အောင် မစ္စတာ ဘန်ကီမွန်း ကိုယ်တိုင် ပိုပြီး ကြိုးစားသင့်တယ်” ဟု ဧရာဝတီသို့ ပြောသည်။ ပြီးခဲ့သည့် ၂၀၀၈ ခုနှစ် သြဂုတ်လထဲတွင် မစ္စတာဂန်ဘာရီ၏ မြန်မာနိုင်ငံ ဒီမိုကရေစီရေး ကြိုးပမ်းမှုများ အလုပ်မဖြစ်၊ လက်ဆုပ် လက်ကိုင်ပြနိုင်သည့် တိုးတက်မှု တစုံတရာ မရှိဟူ၍ ပြည်ပအခြေစိုက် ဒီမိုကရေစီ အင်အားစုများနှင့် အတိုက်အခံပါတီ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ကြေညာချက် ထုတ်ပြန်ကာ ဝေဖန်ခဲ့သည်။ မစ္စတာ ဂန်ဘာရီအပေါ် အတိုက်အခံနှင့် စစ်အစိုးရ နှစ်ဘက်လုံး၏ ယုံကြည်မှုရှိ မရှိဆိုသည်နှင့် ပတ်သက်၍ လည်း ဦးအောင်မိုးဇော်က “ သူလုပ်ခဲ့ တဲ့ ကိစ္စတွေနဲ့ပဲ ဆိုင်တယ်။ သူ့ခရီးစဉ်တွေ ပြီးတော့ မပြီးသေးဘူး။ အောင်မြင်တယ်လို့ ပြောလို့ မရသေးဘူး” ဟု ပြောကြားသည်။မစ္စတာ ဂန်ဘာရီသည် ပြီးခဲ့သည့် ၂၀၀၈ခုနှစ် သြဂုတ်လက မြန်မာနိုင်ငံသို့ သွားရောက်ခဲ့ခြင်းဖြစ်ပြီး ၎င်း တနှစ်တည်းတွင် စုစုပေါင်း ၄ ကြိမ်တိုင်တိုင် သွားရောက်ခဲ့သည်။ အန်အယ်လ်ဒီ ပြောရေးဆိုခွင့် ရှိသူ ဦးဥာဏ်ဝင်းက ရန်ကုန်အခြေစိုက် အေအက်ဖ်ပီ သတင်းဌာနကို “ကျနော်တို့ အနေနဲ့ မစ္စတာ ဂန်ဘာရီကို နောက်ထပ် ကြိုဆိုပါတယ်။ ဒါပေမယ့် သူ့ခရီးစဉ်ကနေ ရလဒ်ကောင်း တွေ ထွက်လာလိမ့်မယ် မထွက်လာဘူး ဆိုတာကိုတော့ ကျနော်တို့အနေနဲ့ သေချာပေါက် မသိနိုင်ဘူး” ဟု ပြောသည်။

..............................................................................................................

ခေတ်ပြိုင် ဂျာနယ်မှ ကောက်နှတ်တင်ပြချက်များ

to download

alpha zawgyi font

ဝါရှင်တန်သံအမတ်ဟောင်း ဦးလင်းမြိုင်ကိုနအဖက အမေရိကန်ပြန်လွှတ်ဟု အတိုက်အခံ စွပ်စွဲ

NEJ/ ၂၆ ဇန်န၀ါရီ ၂၀၀၉

(ခေတ်ပြိုင်ဂျာနယ်မှ ကောက်နှတ်တင်ပြပါသည်)

တချိန်က အမေရိကန်နိုင်ငံ ၀ါရှင်တန်ဒီစီမြို့၌ မြန်မာသံအမတ်တာဝန်ထမ်းဆောင်ခဲ့သူ သံအမတ်ဟောင်း ဦးလင်းမြိုင် မကြာခင်က အမေရိကန်နိုင်ငံ ပြန်ရောက်နေသည်ဟု ရန်ကုန်မြို့မှ ဦးလင်းမြိုင်နှင့် နီးစပ်သူများက အတည်ပြုပြောသည်။
ဝါရှင်တန် မြန်မာသံရုံးမှတဆင့် အိုဘားမား၏ အမေရိကန်အစိုးရသစ်အား ချဉ်းကပ်ပြီး မြန်မာစစ်အစိုးရအပေါ် စီးပွားရေးပိတ်ဆို့မှုရုပ်သိမ်းရေး စည်းရုံးရန်အတွက် မြန်မာစစ်အစိုးရက ဦးလင်းမြိုင်ကို ယခုကဲ့သို့ တိုးတိုးတိတ်တိတ် စေလွှတ်ခဲ့ခြင်းဖြစ်သည်ဟု ၀ါရှင်တန် အတိုက်အခံရပ်ကွက်က ပြောသော်လည်း အဆိုပါအချက်ကို ခေတ်ပြိုင်က အတည်ပြုနိုင်ရန် စုံစမ်းနေဆဲဖြစ်သည်။
မြန်မာသံအမတ်ဟောင်း ဦးလင်းမြိုင်သည် ယခုတခေါက် အမေရိကန်သို့ ၀င်လာရန်အတွက် လက်ရှိ ၀ါရှင်တန်မြန်မာသံရုံး ယာယီတာဝန်ခံ ဒုတိယဗိုလ်မှူးကြီးမြင့်လွင်နှင့် ချိတ်ဆက်လုပ်ပြီး ရောက်လာခြင်းဖြစ်သည်။
မြန်မာသံအမတ်ဘ၀က အမေရိကန်အစိုးရပိုင်းနှင့် အတန်အသင့် ဆက်ဆံနိုင်ခဲ့သည့်အတွက် စီးပွားရေးပိတ်ဆို့မှုရုပ်သိမ်းရေး အောင်မြင်ရန်အတွက် မြန်မာသံရုံးကို နောက်ကွယ်မှ ကြိုးကိုင်အကြံပေးရန် မြန်မာစစ်အစိုးရက လွှတ်လိုက်ခြင်းဖြစ်သည်ဟု ၀ါရှင်တန်မြန်မာသံရုံးနှင့် နီးစပ်သည့် သတင်းရပ်ကွက်က ပြောသည်။
သို့သော် ရန်ကုန်အမေရိကန်သံရုံးက မြန်မာသံအမတ်ဟောင်း ဦးလင်းမြိုင်၏ ပထမအကြိမ် ဗီဇာလျှောက်ထားမှုကိုငြင်းဆိုပြီး နောက်တကြိမ် ဗီဇာလျှောက်မှ အမေရိကန်ပြည်ဝင်ခွင့်ဗီဇာ ထုတ်ပေးခဲ့ခြင်းဖြစ်သည်ဟု ဦးလင်းမြိုင်၏ မိတ်ဆွေ အသိုင်းအ၀န်းက အတည်ပြုပြောသည်။ မြန်မာသံအမတ်ဟောင်း ဦးလင်းမြိုင်အား မည်သူမည်ဝါဖြစ်သည်ကို သိလျက် ရန်ကုန်အမေရိကန်သံရုံးမှ အဘယ့်ကြောင့် ဗီဇာထုတ်ပေးသည်ကိုမူ ရှင်းရှင်းလင်းလင်း မသိရသေးပေ။
မြန်မာသံအမတ်ကြီး ဦးလင်းမြိုင်သည် ဝါရှင်တန်မြို့ မြန်မာသံရုံးတွင် တာဝန်ထမ်းဆောင်နေစဉ်အတွင်း မြန်မာ အတိုက်အခံများ မြန်မာနိုင်ငံအပေါ် အမေရိကန်စီးပွားရေး ပိတ်ဆို့မှု ဆန့်ကျင်လာအောင် နည်းအမျိုးမျိုးဖြင့် တက်တက်ကြွကြွ စည်းရုံးရန် ကြိုးစားခဲ့သော်လည်း မအောင်မြင်ခဲ့ပေ။
မြန်မာသံအမတ်ကြီး ဦးလင်းမြိုင် ဝါရှင်တန်တွင် တာဝန်ထမ်းဆောင်နေစဉ် တွေ့ဆုံခဲ့သည့် အတိုက်အခံများထဲတွင် မြန်မာနိုင်ငံလွတ်မြောက်ရေးညွန့်ပေါင်းအဖွဲ့ခေါင်းဆောင် ဒေါက်တာဇာနည်လည်း ပါဝင်ခဲ့သည်ဟု စုံစမ်းသိရသည်။ ဗိုလ်ချုပ်ကြီးခင်ညွန့်လက်ထက် ဒေါက်တာဇာနည် မြန်မာပြည်ပြန်ပြီး နအဖထိပ်တန်းအရာရှိအချို့နှင့် တိတ်တဆိတ်လာတွေ့သည့် အကြောင်းကို မြန်မာသံအမတ်ကြီး ဦးလင်းမြိုင်က အမေရိကန် မြန်မာအတိုက်အခံများအား ဖုန်းဆက်ပြောခဲ့သည်ဟု အတိုက်အခံအချို့က စွပ်စွဲခဲ့သည်။
မြန်မာ့အရေး ဆောင်ရွက်နေသည့် အမေရိကန် အထက်လွှတ်တော် အမတ်များဖြစ်သည့် Mitch McConnell နှင့် Dianne Feinstein တို့က မြန်မာသံအမတ်ကြီး ဦးလင်းမြိုင်အား အမေရိကန်မှ နှင်ထုတ်ရန် ထိုအချိန်က နိုင်ငံခြားရေးဝန်ကြီး ကော်လင်းပါဝဲထံ စာရေးတောင်းဆိုခဲ့ဖူးသည်။ ဗိုလ်ချုပ်ကြီးခင်ညွန့် ပြုတ်ပြီးမကြာခင် ဦးလင်းမြိုင်အပါအ၀င် နိုင်ငံခြားရှိ မြန်မာသံအမတ်များကို ၂၀၀၄ ခု ဒီဇင်ဘာ (၂) ရက်နေ့ ရန်ကုန်အရောက် စစ်အစိုးရက ရုတ်တရက် ပြန်ခေါ်ခဲ့သည်။
အမေရိကန်နိင်ငံဆိုင်ရာ မြန်မာသံအမတ်ကြီး ဦးလင်းမြိုင်အား နအဖက ရန်ကုန်ပြန်ခေါ်ပြီးနောက် နိုင်ငံခြားရေး ဝန်ကြီးဌာနတွင် ညွှန်ကြားရေးမှူးချုပ်ရာထူး ခန့်ခဲ့သည်။
နိုင်ငံခြားရေးဝန်ကြီးဌာန စီမံရေးနဲ့အုပ်ချုပ်ရေးဌာန၏ ထိုအချိန်က ညွှန်ကြားရေးမှူးချုပ် ဗိုလ်မှူးကြီး ကိုကို ကျော်ကို အငြိမ်းစားပေးပြီး အမေရိကန်နိုင်ငံ ဝါရှင်တန်မြို့က မြန်မာသံအမတ်ကြီး ဦးလင်းမြိုင်နှင့် အစားထိုး ခန့်အပ်ခဲ့ခြင်းဖြစ်သည်။ နိုင်ငံခြားရေးဝန်ကြီးဌာန ညွှန်ကြားရေးမှူးချုပ်ရာထူးမှ ပြုတ်သွားသည့် ဗိုလ်မှူးကြီး ကိုကိုကျော်သည် ၁၉၉၉ ခုနှစ်က မလေးရှားနိုင်ငံ မြန်မာသံရုံးတွင် စစ်သံမှူးအဖြစ် တာဝန်ထမ်းဆောင်ခဲ့သူ ဖြစ်သည်။
၂ဝဝ၃ ခုနှစ် အောက်တိုဘာ (၂၁) ရက်နေ့စွဲဖြင့် ထုတ်ပြန်သည့် နအဖ ကြေညာခဲ့သည့် အမျိုးသားညီလာခံ ကျင်းပရေး ကော်မတီဝင် (၄၃) ဦးစာရင်းမှာလည်း ဗိုလ်မှူးကြီး ကိုကိုကျော်၏ အမည် ပါဝင်ခဲ့သည်။ သို့သော် ပြုတ်သွားသည့် ဗိုလ်ချုပ်ကြီး ခင်ညွန့်နှင့် ဗိုလ်မှူးကြီး ကိုကိုကျော် ပတ်သက်မှု ရှိမရှိဆိုသည်မှာမူ ရှင်းရှင်းလင်းလင်း မသိရသေးပေ။
မြန်မာသံအမတ်ကြီး ဦးလင်းမြိုင်သည် DSA အပတ်စဉ် (၁၁) မှ ဖြစ်ပြီး ရေတပ်မှာ ဗိုလ်မှူးအဆင့်နှင့် တာဝန်ထမ်းဆောင်ခဲ့သူ ဖြစ်သည်။ ယခင် ရေတပ်ဦးစီးချုပ် ဒုတိယ ဗိုလ်ချုပ်ကြီး စိုးသိန်း၊ ဗိုလ်ချုပ်ကြီး သူရရွှေမန်းတို့နှင့် တပတ်စဉ်တည်းဖြစ်ပြီး ပုဂ္ဂိုလ်ရေး ရင်းနှီးသူဖြစ်သည်။ မြန်မာစစ်အစိုးရ ရေတပ်မှာ အရာရှိ အဖြစ် (၂၆) နှစ် တာဝန်ထမ်းဆောင်ခဲ့သူ ဖြစ်သည်။ ၁၉၉၃ ခုနှစ်ကစပြီး နိုင်ငံခြားရေးဝန်ကြီးဌာနတွင် အမှုထမ်း ဆောင်ခဲ့ကြောင်း Washington Diplomat သတင်းစာမှာ ဖော်ပြထားသည်။

...................................................................................................

ကမ္ဘာ့ရွှေဈေး အတက်အကျကြမ်းဘန်ကောက်ရွှေဆိုင်များ ပိတ်

NEJ/ ၂၆ ဇန်န၀ါရီ ၂၀၀၉

(ခေတ်ပြိုင်ဂျာနယ်မှ ကောက်နှတ်တင်ပြပါသည်)

ကမ္ဘာ့ရွှေဈေးမှာ တရက်တည်း အတက်အကျ မြန်လွန်းနေသည့်အတွက် ထိုင်းနိုင်ငံ ဘန်ကောက်မြို့ တရုတ်တန်းရှိ နာမည်ကြီး ရောင်ဝရတ်ရွှေဈေးတန်းမှ ရွှေဆိုင်များ တရုတ်နှစ်သစ်ကူးရက်အတွင်းမှာပင် ပိတ်လိုက်ရကြောင်း ရွှေကုန်သည်ကြီးများအသင်း ဥက္ကဋ္ဌက ပြောသည်။
အရောင်းအ၀ယ်ကောင်းသည့် တရုတ်နှစ်သစ်ကူးရက်အတွင်း ရွှေဆိုင်များပိတ်ရခြင်းမှာ ပထမဆုံးအကြိမ်ဖြစ်သည်။
“ကမ္ဘာ့ရွှေဈေးက တနေ့တည်း အမျိုးအမျိုးဖြစ်နေတော့ ရွှေဆိုင်တွေက ဈေးအမျိုးမျိုး လိုက်ပြောင်းပေးနေရတာနဲ့ တနင်္လာနဲ့ အင်္ဂါကို ရွှေဆိုင်တွေပိတ်ဖို့ ဆုံးဖြတ်လိုက်တာ ဖြစ်တယ်” ဟု ရွှေကုန်သည်ကြီးများအသင်း ဥက္ကဋ္ဌ ကျစ်တီက ပြောသည်။ တရုတ်တန်း ရောင်ဝရတ်ရွှေဈေးတန်းမှာ ရွှေဈေး တကြိမ်ပြောင်းလျှင် ဘတ်ငွေ (၄၀၀) ၀န်းကျင် အတက်အကျ ဖြစ်နေသည့်အတွက် ဈေးသတ်မှတ်ရန် ခက်ခဲပြီး ပိတ်ရသည်ဟုလည်း ဆက်ပြောသည်။
ကမ္ဘာ့ရွှေဈေးမငြိမ်သည့်အတွက် တရုတ်နှစ်သစ်ကူးအတွင်း အာရှရွှေဆိုင်များလည်း ပိတ်ပြီး ဗုဒ္ဓဟူးနေ့မှ ရွှေဆိုင်များ ပြန်ဖွင့်မည်ဖြစ်သည်။
ဇန်န၀ါရီ (၂၄) ရက် ထိုင်း ရွှေကုန်သည်ကြီးများအသင်း ထုတ်ပြန်ထားသည့် ရွှေဈေးမှာ ရွှေချောင်းဝယ်ဈေး တဘတ်သား ဘတ်ငွေ (၁၄,၅၀၀) နှင့် ရောင်းဈေး ဘတ်ငွေ (၁၄,၆၀၀) ရှိပြီး လက်ဝတ်ရတနာရွှေမှာ ၀ယ်ဈေး ဘတ်ငွေ (၁၄၂၉၅.၈၈) နှင့် ရောင်းဈေး (၁၅,၀၀၀) ရှိသည်။

..........................................................................................

၂၀၀၉ မြန်မာ့စီးပွားရေးအကျပ်အတည်းနှင့် လူထုအုံကြွမှု (သုံးသပ်ချက်)

မင်းနိုင်သူ/ ၂၆ ဇန်န၀ါရီ ၂၀၀၉

(ခေတ်ပြိုင်ဂျာနယ်မှ ကောက်နှတ်တင်ပြပါသည်)

၂၀၀၉ ခုနှစ်အတွင်း အာရှနိုင်ငံများ၌ စီးပွားရေးကို အခြေခံသော လူမှုအုံကြွမှုများ ပေါ်ပေါက်လာနိုင်ကြောင်း သတိပေးချက်တရပ်ရှိသည်။ ထိုကဲ့သို့ သတိပေးသူမှာ ကုလသမဂ္ဂဖွံ့ဖြိုးတိုးတက်မှုအစီအစဉ် အာရှ-ပစိဖိတ်ဒေသဆိုင်ရာ ဗဟိုရုံးအကြီးအကဲ Ajay Chhibber ဖြစ်သည်။ ၎င်းက အခြေခံဒီမိုကရေစီစံနှုန်းများနှင့် နိုင်ငံ့စီးပွားရေးထိန်းကျောင်းနိုင်မှုစံနှုန်းများ အပေါ်မှုတည်၍ “အာရှနိုင်ငံများအတွင်း” ဟူသော အထူးပြုချက်ကို သုံးနှုန်းသတိပေးခဲ့ခြင်းဖြစ်ဟန်ရှိသည်။
ထို့ကြောင့် သတိပေးဧရိယာအတွင်း ပါဝင်နေသည့် ၂၀၀၉ ခုနှစ် မြန်မာ့စီးပွားရေး အလားအလာကို သုံးသပ်ကြည့်ဖို့လိုလာသည်။
၂၀၀၉ ခုနှစ် မြန်မာ့စီးပွားရေးသည် ၂၀၀၈ ခုနှစ်ထက် သိသာစွာ ကျဆင်းလိမ့်မည်ဟု စီးပွားရေးပညာရှင် ဦးခင်မောင်ညို (ဘောဂဗေဒ) နှင့် အမေရိကန်နိုင်ငံ ၀ါရှင်တန်အခြေစိုက် (Burma Fund) ဘားမားဖန်းမှ ဦးစိန်ဌေးတို့နှစ်ဦးက တူညီစွာမှန်းဆသည်။
ကမ္ဘာ့စီးပွားရေးကျဆင်းလာချိန်တွင် ကမ္ဘာ့ကုန်သွယ်ရေးနှင့် တိုက်ရိုက်ချိတ်ဆက်ထားသော နိုင်ငံများ ရင်ဆိုင်ရမည့် စီးပွားရေးအကျပ်အတည်းထက် မြန်မာက ပိုမည်ဖြစ်သည်။
၂၀၀၈ ခုနှစ် နှစ်စပိုင်းတွင် နာဂစ်ဒဏ်ခံခဲ့ရသဖြင့် စိုက်ပျိုးရေးနှင့် ရေလုပ်ငန်းများမှ အခြေခံသွင်းအားစုများနှင့် လုပ်သားများ ပျက်စီးဆုံးရှုံးခဲ့ခြင်း၊ နှစ်လယ်ပိုင်းတွင် အဓိကပို့ကုန်တမျိုးဖြစ်သော ပဲဈေးကွက်ပျက် ပြားသွားခြင်းနှင့် စစ်အစိုးရ၏ ဘတ်ဂျက်လိုငွေပြမှု များပြားနေခြင်းတို့သည် အခြားနိုင်ငံများထက်ပိုနေသော အချက်များဖြစ်ကြောင်း မီးမောင်းထိုးပြကြသည်။
“စီးပွားရေးခန့်မှန်းတဲ့အခါ ပြီးခဲ့တဲ့ တနှစ်လောက်ကိုပဲကြည့်ပြီးတော့ ခန့်မှန်းလို့တော့ မရဘူးပေါ့။ အရင်ကဟာတွေကိုလည်း ကြည့်ဖို့လိုတယ်။ သို့သော်လည်း recently ပေါ့။ တနှစ်လောက်ကဟာကတော့ တိုက်ရိုက်ထိခိုက်တာ (directly impact) ဖြစ်တာပေါ့။ ဒီလိုပဲ စီးပွားရေးကျဆင်းမှုဟာ တနှစ်အတွင်း သိသာမှု မရှိခဲ့ဘူးဆိုရင်လည်း နောက်နှစ် နောက်နှစ်တွေမှာကျမှ သွားပြီးထိခိုက်တာမျိုးလည်းရှိတယ်။ ချက်ချင်းထိခိုက်တာမျိုးလည်းရှိတယ်။ ပြည်တွင်းမှာ ဖြစ်ခဲ့တဲ့ ၂၀၀၇ စက်တင်ဘာအရေးခင်းမျိုးကတော့ တိုက်ရိုက်အကျိုးသက်ရောက်သွားတာလို့ ပြောလို့ရတယ်” ဟု ဦးစိန်ဌေးက ဆိုသည်။
အကယ်စင်စစ်လည်း ကမ္ဘာ့စီးပွားရေး မကျဆင်းမီကပင် မြန်မာ့စီးပွားရေးမှာ ကျဆင်းနေခဲ့ပြီးဖြစ်သည်။
စစ်အစိုးရ၏ ညံ့ဖျင်းသောကိုင်တွယ်မှုကြောင့် ယိုင်နဲ့နေသော မြန်မာ့စီးပွားရေးကို မေ (၂) ရက် နာဂစ်က အရှိုက်ထိုးလိုက်ပြန်သည်။ စပါးစိုက်ပျိုးထုတ်လုပ်မှု (၄၀) ရာခိုင်နှုန်းမျှ ပျက်စီးခဲ့သည်။ ငါးလုပ်ငန်း၊ ဆားလုပ်ငန်း များလည်း နာလန်မထူနိုင်။ ထို့ထက်ပိုဆိုးသည်မှာ ဒေသခံလူထု နှစ်သိန်းနီးပါး အသက်ဆုံးရှုံးခဲ့ကြရခြင်း ဖြစ်သည်။ လုပ်သားအင်အားဆုံးရှုံးမှုသည် အဆိုးဝါးဆုံး ဆုံးရှုံးမှုဖြစ်သည်။
သေဆုံးသူစာရင်းကို နအဖက အတိအကျထုတ်ပြန်မပေးနိုင်သော်လည်း ပျက်စီးဆုံးရှုံးမှုစာရင်းကိုမူ သုံးပတ်အတွင်း အရအမိကောက်ကာ ကန်ဒေါ်လာ (၁၁) ဘီလီယံကျော်ရှိကြောင်း ကမ္ဘာကိုပြောသည်။ မေ (၂) ရက်က ဖြစ်ပွားခဲ့သော မုန်တိုင်းကြောင့် ပျက်စီးမှုတန်ဖိုးကို မေ (၂၅) ရက်တွင် စာရင်းအတိအကျဖြင့် တင်ပြလာနိုင်စွမ်းသော နအဖ၏ စာရင်းများကို ကမ္ဘာကမယုံ။ သို့နှင့် အာဆီယံက ကြားဝင်တွက်ချက်ပေးရာ လေးပုံတပုံလျော့ပါးသွားပြီး (၄) ဘီလီယံဟု အဖြေထွက်လာသည်။
နာဂစ်ဖြစ်ပြီးစအချိန်ကလည်း ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများလုပ်ရန် မစဉ်းစားဘဲ မေ (၅) ရက်တွင် ဘဏ္ဍာရေး ဒု-၀န်ကြီး ဗိုလ်မှူးကြီးလှသိန်းဆွေက ဒုက္ခသည်ပြ ဒေါ်လာရပြီ အထင်နှင့် ကမ္ဘာ့ဘဏ်သွားကာ လက်ဖြန့်သည်။ ကမ္ဘာ့ဘဏ်က မပေး။
ဤကဲ့သို့သော မရိုးဖြောင့်မှုများရှိရသည့်အထဲ နာဂစ်ဒုက္ခသည်များကို ကူညီသူများအား အကြောင်းအမျိုးမျိုးပြ ဖမ်းဆီးအရေးယူမှုများကြောင့် ကမ္ဘာ့အကူအညီပေးရေးများ တွန့်ဆုတ်ကုန်သည်။ နအဖ၏ မိုက်မဲမှုကြောင့် ဒေသခံလူထုသည် ကမ္ဘာ့အကူအညီများကို လိုသလောက်မရခဲ့။
တဖက်တွင်လည်း စက်တင်ဘာအရေးအခင်းကို စစ်တပ်က အကြမ်းဖက်ဖြိုခွဲခဲ့ပြီးနောက် ကျဆင်းလာနေသော ခရီးသွားလုပ်ငန်းသည် နာဂစ်အပြီးတွင် အခြေအနေပိုိုဆိုးလာသည်။ မီးခိုးမဲ့စက်ရုံပိုင်ရှင် ခရီးသွားလုပ်ငန်းရှင်များ ကိုယ်တိုင် ၎င်းတို့အိမ်တွင် မီးခိုးမဲ့တော့မည့် သဘောရှိလာသည်။ ဗီဇာစနစ်ပြောင်းလဲပေးရန်နှင့် နိုင်ငံခြားသားများအပေါ် ကန့်သတ်မှုများ လျှော့ပေါ့ပေးရန် ခရီးသွားလုပ်ငန်းရှင်များက တောင်းဆိုလာကြသည်။ နအဖကတော့ ယခုအချိန်အထိ တုတ်တုတ်မျှမလှုပ်။
ပုဂ္ဂလိကစီးပွားရေးကျဆင်းနေချိန်တွင် ရှိသမျှသယံဇာတ ထုတ်ရောင်းရန်သာ ကြံဆနေသော နအဖက ဘင်္ဂလားဒေ့ရ်ှနှင့် ရေပိုင်နက် အငြင်းပွားပြန်သည်။ ရလဒ်ကား ပြည်တွင်းရေထွက်ပို့ကုန်လုပ်ငန်းရှင်များ၏ လုပ်ငန်းများ ရပ်ဆိုင်းကုန်ခြင်းဖြစ်သည်။
တဖန် နှစ်လယ်ပိုင်းတွင် ဘုရင့်နောင်ကုန်စည်ဒိုင်အတွင်းဖြစ်ပွားခဲ့သော ပဲကြိုပွိုင့်ရောင်းဝယ်မှုများကြောင့် အဓိကပို့ကုန်တခုဖြစ်သည့် ပဲဈေးကွက်ပျက်သွားပြန်သည်။ ဤတွင် နအဖက နိုင်ငံတော်မှ ဦးဆောင်ရောင်းဝယ်မည်ဆိုကာ ပဲဈေးကွက်ကို ထိန်းချုပ်ရန် တာစူလာပြန်၏။ တနိုင်ငံလုံးရှိ ကုန်စည်ဒိုင်အမှုဆောင်များအား ကုမ္ပဏီများ စုဖွဲ့ခိုင်းနေသည်။ နယ်ခံကုမ္ပဏီနှင့် ရန်ကုန်ရှိ နအဖလက်ဝေခံကုမ္ပဏီများ ချိတ်ဆက် ပူးပေါင်းလုပ်ဆောင်ကြရမည်ဟု စီးပွားကူးသန်းဒု-၀န်ကြီးက နယ်လှည့် ဆွယ်တရားဟောနေ၏။ နယ်ခံကုန်သည်ပွဲစားများက လိုလားမှုမရှိ။ နအဖနှင့် ပတ်သက်နေသော ရန်ကုန်ကုမ္ပဏီများကိုလည်း မယုံကြည်ကြ။ အဆုံးသတ်တွင် မည်ကဲ့သို့သော ရလဒ်ပေါ်ထွက်လာမည်ကို စောင့်ကြည့်ကြရဦးမည်။
နအဖ၏ တပွဲတိုးဖြေရှင်းနည်းများကား ထိုမျှနှင့်ရပ်မသွား။ နာဂစ်ဒဏ်ခံခဲ့ရခြင်း၊ စပါးဈေး အလွန်အမင်းကျဆင်းနေခြင်းတို့ကြောင့် သွင်းအားစုများ ဖြည့်တင်းရန်ပင် အခက်အခဲရှိနေသော လယ်သမားများ၏ လယ်ယာမြေများကို ၎င်းတို့၏ စီးပွားဖက်ကုမ္ပဏီများအား ၀င်ရောက်လုပ်ကိုင်စေသည်။ အမည်ကိုကား လှလှလေး ပေးထားပါ၏။ အကျိုးတူ လယ်ယာစီးပွား။ ထိုအကျိုးတူ လယ်ယာစီးပွားဆိုသည်ကို ယခုနှစ်တွင် မြန်မာနိုင်ငံ အလယ်ပိုင်းတွင်ပါ တိုးချဲ့သွားမည်ဟု နအဖက လေသံပစ်ထားသည်။
“အဲလိုတွေက လုပ်ခဲ့ဖူးတယ်။ ၁၉၉၅ ခုနှစ်လောက်မှာထင်တယ်။ ရေနက်ကွင်း စိုက်ကွင်းဆိုပြီး ဒေသခံတွေဆီက မြေတွေသိမ်းပြီး သူတို့ကုမ္ပဏီတွေကို ချပေးတာမျိုးတွေရှိခဲ့တယ်။ မကွေးတိုင်းမှာလည်း စီမံကိန်း ၀ါစိုက်ဖို့ဆိုပြီး ယာမြေတွေသိမ်း ပုဂ္ဂလိကကုမ္ပဏီတွေကို ချပေးခဲ့ဖူးတယ်။ မဆလ လက်ထက်တုန်းကလည်း သမ၀ါယမ လယ်ယာတွေဆိုပြီး ရှိခဲ့ဖူးတာပါပဲ။ အခုလည်း အဲဒီပုံစံတွေအတိုင်း နအဖက လိုက်လုပ်နေတာပါပဲ။ အဲဒါတွေက ဒေသခံလူထုအတွက် အကျိုးမရှိနိုင်ဘူး။ ကုမ္ပဏီတွေပဲ အကျိုးရှိမယ်။ သူတို့က ထွက်လာတဲ့အသီးအနှံကို ပြည်ပတင်ပို့ခွင့်ရတော့ နိုင်ငံခြားငွေ (export earning) တွေ ရမယ်။ မူလလုပ်ခဲ့တဲ့ လယ်သမားတွေကတော့ ကုမ္ပဏီရဲ့ အလုပ်သမားသွားဖြစ်ရော။ လယ်ပိုင်ကနေ လယ်ယာလုပ်သားဖြစ်သွားတာ။ နောက်ဆုံးကျတော့ ဒေသခံတောင်သူလယ်သမားတွေကတော့ ဘ၀ပျက်သွားတော့တာပေါ့။ သူတို့ရဲ့ စီးပွားရေးမူဝါဒထဲမှာ ပုဂ္ဂလိကပိုင်ပြုရေးဆိုတာပါပေမယ့် လက်တွေ့မှာ သမ၀ါယမပြုနေတာပဲ။ ပုဂ္ဂလိကပိုင်ပြုတယ်ဆိုရင် တဦးချင်းစီ၊ တကဏ္ဍစီကို ဖွံ့ဖြိုးတိုးတက်အောင်လုပ်ပေးရမှာ”ဟု ဦးစိန်ဌေးက သုံးသပ်ပြသည်။
ထိုကဲ့သို့ ပုဂ္ဂလိကစီးပွားရေး ကဏ္ဍတွင် ဒေသခံများ မလုပ်တတ်ဟုဆိုကာ ၎င်းတို့၏ စီးပွားဖက်ကုမ္ပဏီများထံ လုပ်ငန်းခွင်များ ထိုးထည့်ပေးနေသော နအဖအနေဖြင့် ၎င်းတို့ကိုယ်တိုင်စီမံခန့်ခွဲနေသည့် အစိုးရအသုံးစရိတ်ကို ကြည့်ပြန်တော့လည်းမဟန်။ ဘတ်ဂျက်လိုငွေပြမှုက (၅) ရာခိုင်နှုန်းအထက်မှာ နှစ်စဉ်ရှိနေသည်။ ၂၀၀၈-၂၀၀၉ ဘဏ္ဍာရေးနှစ်တွင်လည်း ဘတ်ဂျက်လိုငွေပြမှု ကျပ်ငွေ ဘီလီယံ (၇၀၀) ကျော်ရှိခဲ့ကြောင်း ၀န်ကြီး အဖွဲ့အစည်းအဝေး(၃၈/၂၀၀၈) တွင် ၀န်ကြီးချုပ်က ၀န်ခံခဲ့သည်။
“(၇) ရာခိုင်နှုန်း (၈) ရာခိုင်နှုန်းဆိုတာ နှစ်စဉ်လိုဖြစ်နေတာ မဆန်းတော့ပါဘူး။ ဒီနှစ်မှာ ပိုတောင်သုံးရဦးမယ်။ ကမ္ဘာ့စီးပွားရေးကျဆင်းနေချိန်မှာ ပုဂ္ဂလိက ကဏ္ဍကသုံးစွဲမှုတွေ လျော့လာမှာဖြစ်လို့ ငွေကျုံ့မှု (deflaction) မဖြစ်အောင် အစိုးရက ပိုသုံးပေးရမယ်” ဟု ဦးခင်မောင်ညို (ဘောဂဗေဒ) က ဆိုသည်။
ဦးစိန်ဌေးက “တိုင်းပြည်တိုးတက်ဖို့ ဘတ်ဂျက်ပိုသုံးသင့်တဲ့အခါ သုံးကြရပါတယ်။ စီးပွားရေးကျဆင်းလာချိန်မှာ အစိုးရက ပိုသုံးပေးရတယ်ဆိုတာ မှန်ပါတယ်။ သီအိုရီအရမှန်ပါတယ်။ လက်ခံပါတယ်။ ဒါပေမယ့် မြန်မာနိုင်ငံမှာက ပိုသုံးခဲ့တာများနေပြီဗျ။ ၈၈ ကနေ ၂၀၀၈ ဆိုရင် အနှစ်နှစ်ဆယ်ရှိနေပြီ။ ဘာမှအကျိုးမရှိဘူး။ အဲဒီမှာပိုသုံးတာ မသုံးတာထက် သုံးတဲ့ဧရိယာတွေကြည့်ရမှာ။ ယောင်ပြတည်ဆောက်မှုတွေ လုပ်နေတာမျိုးက ဘာမှအကျိုးမရှိဘူး။ မလိုအပ်သေးဘဲနဲ့ ဒါမှမဟုတ် တကယ်မလုပ်နိုင်သေးဘဲနဲ့ ၀ါဒဖြန့်ချင်လို့ လမ်းဖောက်လို့၊ တံတားဆောက်လို့ စပါးထွက်နှုန်းတိုးလာမလား။ ဘတ်ဂျတ်သုံးစွဲတဲ့အခါ ဘယ်ကဏ္ဍသည် နိုင်ငံအတွက် အဆီအနှစ်ဖြစ်စေသလဲ။ ဒါကိုကြည့်ရမယ်။ အခုဟာက စစ်တပ်အတွက် အများကြီးသုံးနေတယ်။ မလိုအပ်ဘဲ နေပြည်တော်ဆောက်နေတာ အခုထိမပြီးသေးဘူး။ အများပြည်သူအလုပ်လုပ်တဲ့ ကဏ္ဍတွေမှာ ပံ့ပိုးတာမရှိဘူး။ နိုင်ငံတနိုင်ငံမှာ ဘတ်ဂျက်လိုငွေပြမှုဟာ (၂) ရာခိုင်နှုန်း၊ (၃) ရာခိုင်နှုန်းသာ ရှိသင့်တာပါ” ဟု ပြောသည်။
နအဖ၏ စာရင်းများကား မှန်ကန်လေ့မရှိဟု ကမ္ဘာကလက်ခံထားကြသည်။ ယခုဘတ်ဂျက်လိုငွေပြမှုသည်လည်း ယခုထက်ပိုစရာသာရှိသည်။ ကြံ့ဖွံ့လို လူမှုရေးအသင်းအဖွဲ့ဆိုသည်ကြီးကိုလည်း နအဖက ထောက်ပံ့နေရသဖြင့် လျော့စရာအကြောင်းမရှိ။ ကြံ့ဖွံ့ပံ့ပိုးငွေများ မည်သည့်ဝန်ကြီးဌာန၏ အသုံးစာရင်းမှ သွားသနည်း။
မိမိတို့ အစိုးရအသုံးစရိတ်ကိုပင် ကောင်းစွာစီမံခန့်ခွဲနိုင်ခြင်းမရှိသည့် နအဖအနေဖြင့် ပုဂ္ဂလိက စီးပွားရေးကဏ္ဍတွင်လည်း ၎င်းတို့အား နောက်ခံပြုပေးနေသော ကုမ္ပဏီကြီးများ လက်သို့သာ ၀ကွက်အပ်စီမံစေသည်မှာ တကယ်တော့မဆန်း။
ဆန်းသည်မှာ Ajay Chhibber ၏ စီးပွားရေးကို အခြေခံသော လူမှုရေးအုံကြွမှုများ ပေါ်ပေါက်လာနိုင်ကြောင်း သတိပေးမှုမှန်ကန်ကြောင်းကို မြန်မာနိုင်ငံက ၂၀၀၉ ခုနှစ် နှစ်စမှာပင် ပြသခဲ့ခြင်းဖြစ်သည်။
ဖြစ်ရပ်မှာ နအဖလက်ဝေခံကုမ္ပဏီများကြီးစိုးရာ ရေနံမှော်တွင် ဖြစ်ပွားခဲ့ခြင်းဖြစ်သည်။ မကွေးတိုင်းမှူး၏ အစ်မပိုင်ကုမ္ပဏီက နှောပင်ရေနံမှော်တွင် ဒေသခံတွင်းပိုင်များထံမှ ရေနံစိမ်းကို လက်ဝါးကြီးအုပ် ၀ယ်ယူလိုသည်။ တန်ရာတန်ကြေးမပေး။ ပြင်ပရေနံပွဲစားများက တပေပါ (၅) သောင်းကျော် ပေးနေချိန်တွင် ကုမ္ပဏီက (၃) သောင်းဝန်းကျင်သာပေးသည်။ သူတို့မှလွဲ၍ အခြားရောင်းချခြင်းမပြုရဟု အစည်းအဝေး ခေါ်ပြောသောနေ့မှာပင် ဒေသခံလုပ်ငန်းရှင်များ၊ အလုပ်သမားများနှင့် ပြဿနာတက်သည်။ စစ်တပ်က ဒေသခံလူထုကိုသာ ပစ်ခတ်နှိမ်နင်းခြင်းဖြင့် ဖြေရှင်းပြသည်။
အလားတူဖြစ်ရပ်မျိုးများ ပေါ်ပေါက်လာနိုင်စရာအကြောင်းများလည်း တွေ့မြင်နေရသည်။ အဘယ့်ကြောင့် ဆိုသော် နအဖ၏ စီးပွားရေးမနိုင်နင်းမှုနှင့် ၎င်းတို့နှင့် လက်ဝေခံကုမ္ပဏီများကိုသာ အလုံးစုံသော လုပ်ပိုင်ခွင့်များ ပေးထားသဖြင့် လူထုစီးပွားကျဆင်းလာနေခြင်းကြောင့်ဖြစ်သည်။

...............................................................................

ရန်ကုန် လင်းစဒေါင်း ဓာတ်ငွေ့စက်ရုံ မီးလောင်၊ (၂) ဦးဒဏ်ရာရ

to download
alpha zawgyi - One font
အမှတ် (၁) စက်မှုဝန်ကြီးဌာနပိုင် ရန်ကုန်၊ ဗိုလ်တထောင်မြို့နယ် လင်းစဒေါင်းရှိ အောက်စီဂျင်ဓာတ်ငွေ့စက်ရုံ မီးလောင်မှုကြောင့် လူ (၂) ဦးဒဏ်ရာရပြီး ဆေးရုံတင်ထားရသည်။
ယနေ့ နေ့လယ် (၁) နာရီခွဲခန့်၌ မီးလောင်မှုဖြစ်ပွားပြီး မီးသတ်ကား အစီးရေ (၁၅) စီးခန့်လာသည်ဟု မျက်မြင် သက်သေများက ပြောသည်။
အဆိုပါစက်ရုံမှ စက်ရုံမှူးမှာ ဦးနေထွန်းဖြစ်ကြောင်း လင်းစဒေါင်းမှ ယင်းစက်ရုံအနီးနေသူတဦးက ပြောသည်။
“စက်ရုံမှူးတို့ဆီကို ဒီနေ့ပဲ မီးသတ်က လူကြီးတွေ လာပြီးတော့ စစ်တာပဲ။ မီးဘေးအန္တရာယ် ကင်းဝေးရေးအတွက် လာပြီး သတိပေးတာတွေ့တယ်” ဟု အဆိုပါစက်ရုံအနီးနေသူက ပြောသည်။
မီးလောင်ရခြင်းမှာ သံပြားများဖြတ်တောက်ရာတွင် အသုံးပြုရသော ဓာတ်ငွေ့တမျိုးကို အသုံးပြုနေရာမှ ယင်း ဓာတ်ငွေ့ပိုက်ပွင့်ကာ မီးကူးစက်လောင်ခြင်းဖြစ်ပြီး လူ (၂) ဦး ဒဏ်ရာရကြောင်း သိရသည်။
မျက်မြင်သက်သေတဦးကမူ “အခုပဲ ဆေးရုံကြီးကို ပို့တာပါ။ စိုးရိမ်ရလားတော့ မသိသေးဘူး။ ကျနော့်အထင်ကိုပြောရရင်တော့ နည်းနည်းတော့များမယ်ဗျ” ဟု မျက်မြင်သက်သေက ဆိုသည်။
မီးလောင်မှုမှာ မိနစ်ပိုင်းတွင် ငြိမ်းသွားပြီး အဆောက်အအုံများကို ကူးစက်လောင်ကျွမ်းမှု မရှိကြောင်း၊ သို့သော် အနီးရှိ လုပ်ငန်းသုံးပစ္စည်း အတိုအထွာများကို လောင်ကျွမ်းသွားသည့်အတွက် ဆုံးရှုံးမှုတန်ဖိုးမှာ သိန်းနှင့်ချီ ရှိနိုင်ကြောင်း သိရသည်။
အဆိုပါ မီးလောင်မှုဖြစ်သော ဓာတ်ငွေ့စက်ရုံမှာ ဆေးရုံသုံး အောက်စီဂျင်များ ထုတ်ပေးနေသော စက်ရုံဖြစ်သည်။

......................................................................................................

စစ်ဗိုလ်များကို ခရိုင်ကြံ့ဖွံ့ဥက္ကဋ္ဌရာထူးပေးရန် စီစဉ်NEJ/ ၁၉ ဒီဇင်ဘာ ၂၀၀၈

စစ်တပ်၌ ရာထူးတက်ရန်လမ်းမရှိတော့သည့် စစ်အရာရှိများကို အရပ်ဘက်တွင် ခရိုင်ကြံ့ဖွံ့ဥက္ကဋ္ဌအဆင့် ရာထူးများပေးတော့မည်ဖြစ်ပြီး အရာထမ်းမဟုတ်သည့် စစ်ဘက်ဝန်ထမ်းများကိုမူ နေပြည်တော်လွှတ်တော်ရုံးတွင် တာဝန်ထမ်းဆောင်းခိုင်းမည်ဖြစ်သည်ဟု စစ်အရာရှိတဦးက ပြောသည်။
စစ်တပ်မှ မကြာခင် အရပ်ဘက်ပြောင်းပေးမည့် ဗိုလ်မှူးအဆင့် (၃,၀၀၀) ကျော်ရှိပြီး ၎င်းတို့အား ခရိုင်ကြံ့ဖွံ့ဥက္ကဋ္ဌ ရာထူးယူမလား၊ ပင်စင်သွားမလား ရွေးချယ်ခိုင်းထားသည်ဟု စုံစမ်းသိရသည်။ မကြာခင်က စစ်အရာရှိ အတော်များများကို အရပ်ဘက် ၀န်ကြီးဌာနများသို့ ခွဲတမ်းချပေးပြီးနောက်ပိုင်း လက်ရှိ ကြံ့ဖွံ့များနေရာကို စစ်ဗိုလ်များနှင့် အစားထိုးရန် စစ်အစိုးရဘက်က ပြင်ဆင်နေခြင်းဖြစ်သည်။
လက်ရှိ ကြံ့ဖွံ့ ဥက္ကဋ္ဌ ရာထူးယူထားသူများမှာ အဖွဲ့အစည်း ရန်ပုံငွေများ များပြားစွာရှိထားသည့်အတွက် နောက်လာမည့် စစ်ဗိုလ်များနှင့် ပဋိပက္ခဖြစ်စရာ အကြောင်းရှိသည်ဟု နေပြည်တော် အရာရှိအချို့က သုံးသပ်သည်။
နေပြည်တော် လွှတ်တော်ရုံးဝန်ထမ်းများအဖြစ် ပြောင်းရမည့် တပ်ကြပ်ကြီးကဲ့သိ်ု့သော အဆင့်များမှ အသက် (၄၅) နှစ်ကျော်သူများကို ပြောင်းခိုင်းမည်ဖြစ်သည်ဟု နေပြည်တော်သတင်းရပ်ကွက်က ပြောသည်။ အဆိုပါအဆင့်များကို နေပြည်တော် လွှတ်တော်ရုံးဝန်ထမ်းများအဖြစ် မသွားလိုပါက ပင်စင်ပေးမည်ဟုလည်း ဆက်ပြောသည်။

.................................................................................................

နေပြည်တော်ဝန်ထမ်းများ မြေကွက်ဖိုးမတတ်နိုင်၍ အိမ်မဆောက်နိုင်

NEJ/ ၁၉ ဒီဇင်ဘာ ၂၀၀၈

နေပြည်တော်ဝန်ထမ်းများအတွက် အိမ်ဆောင်ရန် မြေကွက်များပေးသော်လည်း ငွေမတတ်နိုင်သည့်အတွက် မည်သူမျှ အိမ်မဆောက်နိုင်ဖြစ်နေသည်ဟု ၀န်ထမ်းတဦးက ပြောသည်။
ဥတ္တရသီရိ မြို့ကွက်သစ်တွင် နေပြည်တော်ဝန်ထမ်းများအတွက် မြေချပေးထားပြီး ပေ (၆၀) ပေ (၄၀) တကွက်ကို (၃) သိန်း၊ ပေ (၆၀) ပေ (၈၀) တကွက်ကို (၅) သိန်း တောင်းသည့်အတွက် ၀န်ထမ်းများ အိမ်မဆောက်နိုင် ဖြစ်နေသည်ဟု ပြောသည်။
သို့သော် နေပြည်တော်တွင် ငွေတတ်နိုင်သည့် ၀န်ကြီး၊ ဒုတိယ၀န်ကြီး၊ ညွှန်ကြားရေးမှူးချုပ်နှင့် ဦးဆောင်ညွှန်ကြားရေးမှူးအဆင့် အရာရှိများမှာမူ အိမ်များ အသီးသီး ဆောက်နေကြသည့်အပြင် အဆိုပါပုဂ္ဂိုလ်များအတွက် အိမ်အလကား ဆောက်ပေးမည့် ပုဂ္ဂလိက ကုမ္ပဏီများလည်း ရှိသည်ဟု စုံစမ်းသိရသည်။
နေပြည်တော်တွင် ၀န်ကြီး၊ ဒုတိယ၀န်ကြီး၊ ညွှန်ကြားရေးမှူးချုပ်နှင့် ဦးဆောင်ညွှန်ကြားရေးမှူးအဆင့် အရာရှိများအတွက် အိမ်ဆောက်ရန် မြေနေရာများ အခမဲ့ပေးသော်လည်း သာမန်ဝန်ထမ်းများအတွက် ဝေးလံသည့် မြို့သစ်များ၌သာ နေရာချပေးထားသဖြင့် ၀န်ထမ်းများ မကျေမနပ်ဖြစ်နေသည်။
ဝန်ကြီး၊ ဒုတိယ၀န်ကြီး၊ ညွှန်ကြားရေးမှူးချုပ်နှင့် ဦးဆောင်ညွှန်ကြားရေးမှူးအဆင့် အရာရှိများအတွက် အိမ်ပုံစံ (၄၂) မျိုးပေးထားပြီး နှစ်သက်ရာပုံစံကို တထပ်ဒီဇိုင်းဖြင့် တနှစ်အတွင်း အပြီးဆောက်ရန် မြေနေရာများ အခမဲ့ပေးထားသည်။
သာမန်ဝန်ထမ်းများကိုမူ ဥတ္တရသီရိ၊ ဒက္ခိဏသီရိ စသည့် ဝေးလံသည့် မြို့သစ်တို့တွင် အိမ်ဆောက်လိုပါက မိမိစရိတ်ဖြင့် ဆောက်ရမည်ဆိုသည့်အတွက် ၀န်ထမ်းများ မကျေမနပ် ဖြစ်နေသည်ဟု ၀န်ထမ်းတဦးက ပြောသည်။
(၂၄) ခန်းပါ နေပြည်တော် ၀န်ထမ်းအိမ်ရာ တကွက် အလုံး (၁၁၀) ဖြင့် မူလက (၁၀) ကွက် ဆောက်ပေးရန် လျာထားခဲ့သော်လည်း ယခုအခါ ဓနသီရိ၊ ဥာဏသီရိ၊ ဗလသီရိ၊ သုခသီရိ၊ ၀ဏ္ဏသီရိ စသည့် ၀န်ထမ်းအိမ်ရာ (၅) ကွက်နှင့် အပြီးသတ်ထားသည့်အတွက် ၀န်ထမ်းများ နေထိုင်ရေး ကသီလင်တ ဖြစ်နေသည်ဟုလည်း ပြောသည်။

...............................................................................................

ကူဝိတ်မြန်မာသံရုံးအတွက် သံရုံးစရိတ်ထောက်ပံ့ကြေး ကူဝိတ်အစိုးရ ကမ်းလှမ်း

NEJ/ ၁၉ ဒီဇင်ဘာ ၂၀၀၈

ကူဝိတ်နိုင်ငံတွင် ဖွင့်လှစ်မည့် မြန်မာသံရုံးအတွက် ပထမ (၃) လတာ ကုန်ကျစရိတ်ကို ကူဝိတ်အစိုးရက သံရုံးစရိတ် ထောက်ပံ့ပေးရန် ကမ်းလှမ်းထားသည်ဟု သံတမန်သတင်းရပ်ကွက်က ပြောသည်။
မြန်မာစစ်အစိုးရအနေဖြင့် ကူဝိတ်၏ ကမ်းလှမ်းချက်ကို လက်ခံ မခံ ဆိုသည်မှာ ရှင်းရှင်းလင်းလင်း မသိရသေးပေ။
မြန်မာစစ်အစိုးရသည် ကူဝိတ်တွင် မြန်မာသံရုံးဖွင့်လှစ်ရန်အတွက် နိုင်ငံခြားရေးဝန်ကြီးဌာန ဒု-၀န်ကြီး ဦးမြင့်မောင်ကို မကြာခင်က ကူဝိတ်သို့ စေလွှတ်ခဲ့သည်။ သို့သော် နိုင်ငံခြားရေးဝန်ကြီးဌာနတွင် နိုင်ငံခြားငွေပြတ်လပ်နေသည့်အတွက် ကူဝိတ်အစိုးရက ပထမ (၃) လအတွက် သံရုံးစရိတ် ထောက်ပံ့ပေးရန် ယခုကဲ့သို့ ကမ်းလှမ်းလိုက်ခြင်းဖြစ်သည်။
မြန်မာစစ်အစိုးရအနေဖြင့် ကူဝိတ်အစိုးရကမ်းလှမ်းသည့် သံရုံးစရိတ်ထောက်ပံ့ကြေး လက်ခံမည်ဆိုပါက မျက်နှာပူစရာဖြစ်ကြောင်း သံတမန်တဦးက ခေတ်ပြိုင်သို့ပြောသည်။

to download

alpha zawgyi-one font

ဥရောပနဲ့ အာရှ စီးပွားရေး အလားအလာ ထိုးကျဆဲ 20 December 2008

အာရှက စတော့ရှယ်ယာ ဈေးကွက်တွေမှာ သောကြာနေ့က အတက်ရောအကျရော ဖြစ်ပေါ်ခဲ့ပြီး ဥရောပဘက်က စတော့ ဈေးကွက်တွေက ဈေးတွေ ကျဆင်းခဲ့ပါတယ်။ ရေနံစိမ်း ဈေးက ၅ နှစ်အတွင်း အနိမ့်ဆုံး ကျဆင်းသွားပြီး ဒီလို ရေနံစိမ်း ဈေး အလားအလာမကောင်းတာကြောင့်လည်း ရှယ်ယာဈေးကွက်တွေ ပိုပြီး ကျကုန်ကြပါတယ်။ ဒီကမ္ဘာ့စီးပွားရေး အခြေအနေတွေနဲ့ ပတ်သက်ပြီး လန်ဒန်က ဗွီအိုအေ သတင်းထောက် တွမ်ရေးဗားစ် (Tom Rivers) သတင်းပေးပို့ ထားတာကို မအေးသန္တာကျော် က တင်ပြထားပါတယ်။ စွမ်းအင်အစုရှယ်ယာ ဈေးတွေကျဆင်းလို့ ရင်းနှီးမြှုပ်နှံသူတွေ ထိတ်လန့်ပြီး ဥရောပ အစုရှယ်ယာဈေးတွေ ပျမ်းမျှအားဖြင့် ကျဆင်းသွားပြန်ပါတယ်။ အစောပိုင်းကတော့ အာရှက ဗဟိုဘဏ်က သူ့ရဲ့ ပင်မအတိုးနှုန်းကို ၀.၁ % လျော့ပေးခဲ့ပါတယ်။ ဂျပန်နိုင်ငံဟာ လာမယ့် ၂၀၁၀ အထိ စီးပွားရေးဖွံ့ဖြိုးမှု လျော့ကျတာကို ရင်ဆိုင်ရမယ်လို့ အစိုးရက ခန့်မှန်းထားပါတယ်။ ဂျပန်နိုင်ငံမှာ ကြုံတွေ့နေရတဲ့ စီးပွားရေး ပြဿနာက ပို့ကုန်လုပ်ငန်းကို ပြင်းပြင်းထန်ထန် သွားပြီးတော့ ထိခိုက်ခဲ့တာပါ။ ဂျပန်နိုင်ငံရဲ့ နံပါတ်တစ် ကားကုမ္ပဏီ ဖြစ်တဲ့ တိုယိုတာ ဟာ ကုမ္ပဏီ ရဲ့ ပထမဦးဆုံး အရှုံးနဲ့ ရင်ဆိုင်ရမှုကို လာမယ့် သီတင်းပတ်မှာ ကြေညာမယ်လို့ ဂျပန် သတင်းတွေမှာ ပါရှိပါတယ်။ ဂျပန်နိုင်ငံထုတ် ကုန်ပစ္စည်းတွေ ပြည်ပမှာ ပိုဈေးကြီးလာစေတဲ့အချက် ဖြစ်တဲ့ ဂျပန် ယန်း ငွေကြေးတန်ဖိုး အများကြီး မြင့်တက်လာလို့ တိုယိုတာ ကားအရောင်းဟာ တချိန်ထိုး ကျဆင်းသွားခဲ့ရပါတယ်။ ရှေ့မှာ ခက်ခဲတဲ့ အခြေအနေတွေကို ကျော်ဖြတ်ရဦးမယ် ဖြစ်တယ်၊ အခု ကြုံနေရတဲ့ စီးပွားရေး ကျဆင်းမှုကနေ လွတ်မြောက်နိုင်တဲ့ တခုတည်းသော နည်းလမ်းက တကမ္ဘာလုံး ပူးပေါင်းဆောင်ရွက်တဲ့နည်းပဲ ဖြစ်တယ်လို့ ဗြိတိန်အစိုးရရဲ့ ၂၀၀၈ ခုနှစ် နောက်ဆုံးလပတ်အဖြစ် ကျင်းပတဲ့ သတင်းစာရှင်းလင်းပွဲမှာ ၀န်ကြီးချုပ် ဂေါ်ဒန်ဘရောင်း (Gordon Brown) က ပြောကြားသွားပါတယ်။

၂၀၀၈ ခုနှစ်မှာ ကျနော်တို့ ကမ္ဘာ့စီးပွားရေး ကျဆင်းမှုနဲ့ ရင်ဆိုင်ကြရတယ် ဆိုတော့ ၂၀၀၉ ခုနှစ်ဟာ ကမ္ဘာ့နိုင်ငံတွေ စုပေါင်းပြီး ရင်းနှီးမြှုပ်နှံမှုတွေ လုပ်ဆောင်ကြရမယ့် နှစ်၊ ကုံလုံကြွယ်ဝတဲ့ အနာဂတ်ကို တည်ဆောက်ရင်းနဲ့ မိသားစုတွေ၊ စီးပွားရေး လုပ်ငန်းတွေကို တကယ် ကူညီရမယ့်နှစ် ဖြစ်ပါတယ်။ စီးပွားကျ ကာလမှာလည်း အနာဂတ်အတွက် ဆက်ပြီး ရင်းနှီးမြှုပ်နှံမှုတွေ လုပ်တဲ့နိုင်ငံတွေဟာ အနာဂတ်မှာ ပိုပြီး အားကောင်းကောင်းနဲ့ ပေါ်ထွက်လာကြမှာ ဖြစ်ပါတယ်။”
မစ္စတာ ဘရောင်းကပဲ ဆက်ပြောသွားတာက ဗြိတိန်ရော၊ တခြား နိုင်ငံတွေရောက ဒီကျပ်တည်းတဲ့ စီးပွားရေးကာလကို ကျော်လွှားနိုင်ဖို့ လုပ်သင့်တဲ့ကိစ္စတွေကို လုပ်ဆောင်ထားပြီးပါပြီ။ ဒါပေမယ့် ဒီလုပ်ငန်းတွေရဲ့ အကျိုးအမြတ်ကို မြင်ရဖို့တော့ အချိန်တခု ပေးရဦးမယ်လို့ ပြောသွားပါတယ်။
“ဟုတ်ပါတယ်။ ကမ္ဘာ့စီးပွားရေးကျဆင်းမှုရဲ့ ဓါးစားခံ ဖြစ်ရတာ ကျနော်တို့ ကံဆိုးတာပါပဲ။ ဘဏ္ဍာရေး အကျပ်အတည်း ကနေ စီးပွားရေးနဲ့ တခြား အပိုင်းတွေကို ပျံ့နှံ့ထိခိုက်ကုန်တာလည်း ကံမကောင်းပါဘူး။ ဒါပေမယ့် ကျနော်တို့ အခုဆို အတိုးနှုန်းကိုလည်း လျော့ချပေးပြီးပြီ။ စီးပွားရေး စနစ်ကြီးထဲကို ငွေတွေလည်း သွတ်သွင်းပေးပြီးပြီ။ ဆိုတော့ ကျနော်တို့ အခြေအနေ ကောင်းပါတယ်။ ကျနော်တို့ စီးပွားရေးဟာ အင်အားကောင်းတဲ့ စီးပွားရေးပါ။ ဓါတ်ဆီဈေး ကျတယ်။ စားသောက်ကုန်တွေကလည်း ဈေးကျတယ်။ ဒီတော့ လူအများကြီးရဲ့ လူနေမှု အဆင့်အတန်း မြင့်တက်လာတာ လာမယ့်လပိုင်းတွေမှာ ကျနော်တို့ တွေ့မြင်ကြရပါလိမ့်မယ်။”
ဗြိတိန်ဝန်ကြီးချုပ် ဂေါ်ဒန်ဘရောင်း ပြောသွားတာ ဖြစ်ပါတယ်။ လောင်စာဆီဈေးက ပြီးခဲ့တဲ့ ၆ လအတွင်းမှာ ရေနံစိမ်းတစည်ကို ဒေါ်လာ ၁၅၀ လောက်ကနေ ဒေါ်လာ ၄၀ လောက်အထိ ကျဆင်းသွားပေမယ့် ဒီလောင်စာဆီဈေးဟာ အတက်အကျ မြန်တာမိုလို့ သတိထားရမယ့်ကိစ္စပဲ ဖြစ်နေဦးမယ်လို့ မစ္စတာ ဘရောင်းက သတိပေးပါတယ်။
ကမ္ဘာ့စီးပွားရေးမှာ အဆိုးဆုံးအခြေအနေ ရှေ့မှာ ကြုံရဦးမယ်လို့ ထိပ်တန်းဘဏ်အဖွဲ့အစည်းတခုရဲ့ ခန့်မှန်းမှုကလည်း မှုန်ဝါး နေတဲ့ စီးပွားရေးမြင်ကွင်းတွေကို ပိုပြီးတော့ အရောင် ပြယ်စေသလိုပါပဲ။ ကမ္ဘာ့စီးပွားရေးဟာ ၂၀၀၈ ခုနှစ်မှာ ၂ % ဖွံ့ဖြိုးခဲ့ပေမယ့် ၂၀၀၉ ခုနှစ်မှာတော့ ၀.၄ % ကျုံ့ သွားမယ်လို့ ကမ္ဘာပေါ်က အဓိက ဘဏ်ကြီးတွေနဲ့ ဘဏ္ဍာရေးအဖွဲ့အစည်း ၃၇၅ ခုကို ကိုယ်စားပြုတဲ့ IMF နိုင်ငံတကာ ဘဏ္ဍာရေးအဖွဲ့ကြီးက ပြောပါတယ်။ အခုအခြေအနေဟာ ခေတ်သစ်စီးပွားရေး သမိုင်းမှာ အပြင်းထန်ဆုံး တကမ္ဘာလုံး တပြိုင်နက် စီးပွားရေး ချွတ်ခြုံကျမှု ဖြစ်တယ်လို့ IMF ရဲ့ ဦးဆောင်ညွှန်ကြားရေးမှူး က ပြောပါတယ်။
၁၉၃၀ ခုနှစ် စီးပွားရေး ပျက်ကပ်မှုကြီးနောက်ပိုင်း ကြုံရတဲ့ အဆိုးဆုံး ဘဏ္ဍာရေး အကျပ်အတည်းဖြစ်တဲ့ အခု စီးပွားရေး အကျပ်အတည်းမှာ အမေရိကန်ပြည်ထောင်စု၊ ယူရို ငွေကြေးသုံးစွဲတဲ့ ဥရောပ ၁၅ နိုင်ငံနဲ့ ဂျပန်နိုင်ငံ အပါအ၀င် လက်ရှိ စီးပွားရေး ဆုတ်ယုတ်မှုနဲ့ ကြုံနေရတဲ့ စီးပွားရေးအင်အားကြီး နိုင်ငံတွေဟာ ၁.၄ % စီးပွားရေး ကျုံ့ သွားကြမှာ ဖြစ်ပါတယ်။

....................................................................................................................

ကမ္ဘာ့စီးပွားရေး အကျပ်အတည်း မြန်မာပြည်သူတွေကို ရိုက်ခတ်
18 December 2008
ကမ္ဘာတ၀န်းမှာ စီးပွားရေး အကျပ်အတည်းနဲ့ ကြုံတွေ့နေရတဲ့အချိန်မှာ နဂိုကတည်းကမှ စီးပွားရေး ဖွံ့ဖြိုးမှုနိမ့်ကျနေတဲ့ မြန်မာနိုင်ငံအနေနဲ့လည်း စီးပွားရေး ပြဿနာတွေနဲ့ရင်ဆိုင်နေကြရတာပါ။ အလုပ်အကိုင် အခွင့်အလမ်း ရှားပါးတာ၊ ၀င်ငွေနိမ့်ကျတဲ့အခြေအနေမျိုးတွေ ရှိနေရတဲ့ အခြေအနေမှာ အခုလို ကမ္ဘာနဲ့အ၀န်း စီးပွားရေးကျဆင်းမှုတွေနဲ့ ကြုံနေရလို့ မြန်မာနိုင်ငံသားတွေကြား ညည်းညူသံတွေကိုလည်းကြားနေရပါတယ်။ အကြောင်းစုံကို ကိုအောင်လွင်ဦးက တင်ပြပေးထားပါတယ်။
ကမ္ဘာ့စီးပွားရေး အကျပ်အတည်းကြားမှာ မြန်မာနိုင်ငံလို ဆင်းရဲတဲ့နိုင်ငံမျိုးမှာ အခြေအနေတွေက ပိုလို့ဆိုးနေတယ်လို့ ပြောဆိုနေကြတာပါ။ အလုပ်အကိုင် အခွင့်အလမ်းနည်းပါးတာ၊ စီးပွားရေးလုပ်ငန်းတွေကို လွတ်လွတ်လပ်လပ် လုပ်ကိုင်နိုင်ခွင့်မရှိတာစတဲ့ အခြေအနေတွေအောက်မှာ မြန်မာနိုင်ငံသားတွေ ခြိုးခြံချွေတာရင်းနဲ့ နိစ္စဓူဝ ဘ၀တွေကို ဖြတ်သန်းနေကြရတာပါ။ ရန်ကုန်မြို့ခံတယောက် ပြောပြတာကတော့ …
"ကျပ်တည်းတယ်ဆိုတာ အခု ကျနော်တို့ဆီက ထွက်ကုန်တွေကအစ ဈေးတွေ တအားကျနေတယ်။ ဥပမာ နိုင်ငံခြားကိုတင်ရတဲ့ ငါးဆိုရင် ဈေးတွေကျနေလို့ ကန်သမားတွေအဆင်မပြေဘူး။ ကန်သမားတွေ အဆင်မပြေတော့ သူတို့ကို မှီခိုနေရတဲ့ ကျန်တဲ့မိသားစုတွေ အကုန်လုံးလည်း အဆင်မပြေတော့ဘူး။ အဲလိုတွေပေါ့၊ ကျနော်တို့ကြုံရတဲ့အပိုင်းမှာတော့။
"ဈေးကျတယ်ဆိုပေမယ့်လည်း ကျနော်တို့မှာ ၀ယ်စားနိုင်တဲ့အင်အား မရှိဘူး။ ခြိုးခြံရတာလည်း အကုန်ပဲ။ ဒီမှာက အကုန်လုံးက ရှားပါးနေတာလေ။ နေရာတကာ အကုန်ပဲ။စားတာသောက်တာလည်း အရင်တုန်းက တထောင်လောက်နဲ့စားရင် အခု ခုနှစ်ရာလောက်နဲ့ ဖြစ်အောင်စားရတယ်။ ၀င်ငွေက တအားနည်းတဲ့အခါကြတော့ ဒီပိုက်ဆံနဲ့ချိန်ပြီးတော့သုံးရတာပေါ့။ ဘာပဲပြောပြော အဆင်မပြေတာတော့ အမှန်ပဲ။"
ဒီလို ညည်းညူနေကြပေမယ့်လည်း မြန်မာစစ်အစိုးရ သတင်းစာထဲမှာတော့ ကမ္ဘာ့စီးပွားရေး အကျပ်အတည်းက မြန်မာနိုင်ငံကို ထိခိုက်မှုမရှိဘူး၊ အခြေအနေတွေဟာတည်တည်ငြိမ်ငြိမ်ပဲ ရှိနေပါတယ်ဆိုပြီး ဖော်ပြနေပါတယ်။ အမေရိကန်နိုင်ငံက စလိုက်တဲ့ ဘဏ္ဍာရေးပြဿနာတွေဟာ ကမ္ဘာတ၀န်းကို ရိုက်ခတ်ခဲ့လို့ ပြဿနာတွေနဲ့ ကြုံနေရပေမယ့် မြန်မာနိုင်ငံကတော့ အပြုံးမပျက်ပါဘဲဆိုပြီး အခန်းဆက်ဆောင်းပါးတွေနဲ့ဖော်ပြနေတာပါ။ မြန်မာနိုင်ငံမှာ စီးပွားရေးအခြေအနေတွေဟာ တကယ်ပဲ တည်ငြိမ်မှုတွေ ရှိနေပါသလား၊ နောက်ထပ် ရန်ကုန်မြို့ခံတယောက် ပြောပြတာကတော့ …
"ပြည်တွင်းမှာတော့ အလုပ်က သိပ်မဖြစ်ဘူး။ အလုပ်တွေက လူလျှော့တာတို့၊ထပ်မခေါ်တာတို့ ရှိတဲ့အခါကြတော့ ဘယ်လိုလုပ် စီးပွားရေးက ကောင်းတယ်လို့ ဆိုလို့ရမလဲ။ ဘွဲ့ရပြီးတောင်မှ အခွင့်အရေးက အရမ်းနည်းနေတယ်၊ အလုပ်တခုရဖို့ကို။အခြေအနေကတော့ အခုဟာက ရှိတဲ့ဟာလေးနဲ့ ဆက်နေတဲ့သဘောပဲ။ ဘယ်အချိန်ပေါက်ကွဲထွက်လာမလဲဆိုတာ မသိနိုင်တဲ့အခြေအနေမှာ ရောက်နေတယ်။
"အခုလက်ရှိအခြေအနေကို အကုန်လုံးက စိတ်ညစ်နေတဲ့သဘောမှာ ရှိတယ်။ အခုချိန်ကစပြီး နည်းနည်းသိသာလာပြီ။ တဖြည်ဖြည်းနဲ့ ပိုဆိုးသွားမယ့် အခြေအနေတော့ရှိတယ်။ တချို့ ဒီစီးပွားရေးဂယက်နဲ့ မထိခိုက်တဲ့လူတွေတော့ ရှိကောင်းရှိမယ်၊ပတ်သက်ရာ ပတ်သက်ကြောင်းတွေနဲ့။
"အခုဟာ ခရီးသွားဖို့တောင် လူတွေက အရေးကြီးတဲ့ကိစ္စလောက်ပဲ ထွက်တော့တယ်။အတတ်နိုင်ဆုံး လျှော့ချထားတဲ့သဘော ရှိတယ်။ အရောင်းအ၀ယ်တွေကတော့ပါးတာပေါ့။ လူတွေက စားသောက်ဆိုင်တွေ ဘာတွေ သိပ်မလာတော့ဘူး။"
ဒီလိုပဲ အစိုးရရဲ့ သတင်းစာတွေထဲမှာ မြန်မာနိုင်ငံက အခြေအနေတွေဟာ တည်တည်ငြိမ်ငြိမ်ပါပဲလို့ ရေးသားနေသလို ဒီကနေ့လည်း ဆက်လက်ဖော်ပြရာမှာ ပြီးခဲ့တဲ့ မေလထဲတုန်းက နာဂစ်ဆိုင်ကလုန်းဘေးဒဏ် ခံခဲ့ရတာကိုတောင် ပြည်တွင်းအားနဲ့ စုပေါင်းဖြေရှင်းလို့ ပြေလည်သွားရပါတယ်ဆိုပြီး ပြောခဲ့တာပါ။ လေမုန်တိုင်းဒဏ် အဆိုးရွားဆုံးခံခဲ့ရတဲ့ မြစ်ဝကျွန်းပေါ်ဒေသက လက်ရှိအခြေအနေတွေနဲ့ ပတ်သက်လို့ ဒေသခံတွေပြောကြတာကတော့ ဒီလိုမဟုတ်ပါဘူး။
"စီးပွားရေးက အကုန်ထိတာပေါ့။ ကျနော်တို့မြို့ပေါ်မှာလုပ်တဲ့ အလုပ်တွေအားလုံးလည်း ထမင်းစားရရုံလောက်ကို တော်တော်ကြိုးစားနေရတယ်။ အလုပ်အကိုင် အခွင့်အလမ်းတွေလည်း ဘာမှမရှိပါဘူး။ တကယ့်လယ်သမား၊ တကယ့်ရေလုပ်သားတချို့ဒီအတိုင်းပဲ၊ သူတို့ဆီမှာ မြို့ပေါ်တက်ဖို့ လမ်းစရိတ်မရှိတဲ့လူတွေက ဘာပိုက် ဘာလှေမှရမှာမဟုတ်ဘူး။ တော်တော်နည်းပါးပါတယ်၊ ကျနော်တို့ဆီမှာ။
"လူတယောက်က လက်ဖက်ရည်ဆိုင်ဖွင့်ရင် အကုန် လက်ဖက်ရည်ဆိုင်၊ ကွမ်းဆိုင်ထွက်မယ်ဆိုရင် အကုန် ကွမ်းဆိုင်။ အဲလိုပေါ့။ အလုပ်အကိုင် အခွင့်အလမ်းနည်းတော့အကုန်စုပြုံနေကြတယ်။ လူတယောက် ကောက်ညှင်းပေါင်းရောင်းရင် အကုန်ကောက်ညှင်းပေါင်း။ သီးခြား အခွင့်အလမ်းတွေ မရှိဘူးလေ။ မရှိတော့ လူတွေကအလုပ်တခုထဲမှာ ပြုံပြီးတော့ လုပ်ကြရတာပေါ့။
"ကျနော်တို့ နာဂစ်ဒေသမှာ အခုနောက်ပိုင်းဆိုရင် သားငါးရှာတာကအစ တော်တော်အခက်အခဲတွေ့တယ်။ ဆန်စပါးဖြစ်ထွန်းမှုကလည်း အားလုံးပေါင်းရင် လယ်ဧက ၄၀%လောက်ပဲ စိုက်နိုင်တယ်။ အဲဒီထဲမှာမှ ပါးပါးလျားလျားပဲ ဖြစ်ထွန်းတယ်။ နဂိုကလယ်တကွက်ကို ၇၀၊ ၈၀ ထွက်တဲ့ နေရာတွေမှာ အခု ရိပ်ပြီးစ လယ်တကွက်မှာ စပါး၃၀၊ ၃၅၊ ၄၀ အဲဒီလောက်ပဲရတယ်။ ရတဲ့အထဲမှာတောင် ဆန်မအောင်တဲ့စပါးတွေတွေ့ရတယ်။ အများကြီးပေါ့။ မျိုးစပါးဖိုးကြေရုံပဲ။ အလုပ်သမားခ ရှုံးတာပေါ့။ ဟန်ချက်ညီညီ မဖွံ့ဖြိုးပါဘူး။"တကယ်တော့ မြန်မာစစ်အစိုးရက တိုင်းပြည်ရဲ့ စီးပွားရေးအခြေအနေနဲ့ ပတ်သက်လို့အချက်အလက်တွေ၊ သတင်းတွေ ထုတ်ပြန်ရာမှာ အားနည်းချက်တွေ ရှိလေ့ရှိပါတယ်။မြန်မာနိုင်ငံက စီးပွားရေးဖွံ့ဖြိုးတိုးတက်မှုနှုန်းနဲ့ ပတ်သက်လို့ ဆိုရင်လည်းပဲ ၁၀%ကျော်အထိရှိတယ်လို့ ထုတ်ပြန်ပြောဆိုလေ့ ရှိပေမယ့်လည်း တကယ့်လက်တွေ့မှာတော့ ဒီထက်အများကြီး လျော့နည်းစရာရှိတယ်လို့ အာရှဖွံ့ဖြိုးရေးဘဏ် (ADB) လိုအဖွဲ့အစည်းတွေက ပြောဆိုထားတာပါ။ အခုနောက်ဆုံး ADB ရဲ့ ၂၀၀၈ ခုနှစ် စီးပွားရေးခန့်မှန်းချက် အရဆိုရင်လည်း မြန်မာနိုင်ငံရဲ့ စီးပွားရေးတည်ငြိမ်မှုနဲ့ ပတ်သက်လို့စိုးရိမ်စရာ အခြေအနေတွေ ရှိနေဦးမယ်ဆိုပြီး ပြောဆိုထားပါတယ်။

.........................................................................................

ထွက်ပြေးလာသည့် မြောက်ကိုရီးယား ၁၉ ယောက် မြန်မာပြည်မှာ အဖမ်းခံရ
20 December 2008
မြောက်ကိုရီးယားက ထွက်ပြေးလာတဲ့ လူ ၁၉ ယောက်ကို မြန်မာပြည်တွင်း တရားမ၀င် ၀င်ရောက်မှုနဲ့ တရားစွဲဖို့ ပြင်ဆင်နေပါတယ်။ မြောက်ကိုရီးယားက ဘက်ပြောင်းလာသူ ၁၉ ယောက်ဟာ မြောက်ကိုရီးယားက တရုတ်ပြည်၊ တရုတ်ပြည်ကနေ အရှေ့တောင်အာရှ ကို ဖြတ်ခါ တောင်ကိုရီးယားကို သွားရောက်ဖို့ ရှိပါတယ်။
တရုတ်ပြည်မှာ ဘယ်လောက်ကြာကြာ နေခဲ့တယ်ဆိုတာ မသိရပေမယ့် မြန်မာပြည်တွင်းကိုတော့ ဒီဇင်ဘာလ ၂ ရက်နေ့မှာ ၀င်လာလို့ အဖမ်းခံရတာပါ။ ပြည်တွင်း ၀င်ရောက်လာလို့ ဖမ်းဆီးလိုက်တာဖြစ်တယ် တရားမ၀င် ၀င်ရောက် လာသူတွေဖြစ်တဲ့အတွက်လည်း လူဝင်မှုကြီးကြပ်ရေး ဥပဒေအရ အရေးယူရမှာဖြစ်တယ်လို့ မြန်မာအစိုးရရဲ့ ရဲအရာရှိ တစ်ယောက်က ပြောပါတယ်။
ရှေ့သီတင်းပတ်ထဲမှာ ရုံးတင်စစ်ဆေးမှာဖြစ်ပါတယ်။ ထိန်းသိမ်းရေးစခန်းကနေ အကျဉ်းထောင်ထဲကို ရောက်သွားတဲ့ မြောက်ကိုရီးယားနိုင်ငံသား ၁၉ ယောက်ထဲမှာ အမျိုးသမီး ၁၅ ယောက် အမျိုးသား လေးယောက် ပါဝင်ကြပါတယ်။ မြန်မာပြည်မှာရှိတဲ့ မြောက်ကိုရီးယား သံရုံးက ဒီကိစ္စကို ၀င်ရောက်ပြောဆိုတာ မရှိသေးပါဘူး။ မြောက်ကိုရီးယားကို ပြန်ပို့မယ်ဆိုတာ သေချာ မသိရသေးပေမယ့် မြန်မာလူဝင်မှုကြီးကြပ်ရေး ဥပဒေအရ ပြစ်မှုထင်ရှားတယ် ဆိုရင် ထောင်ဒဏ်နှစ်ရှည် ချခံရဖွယ်ရှိပါတယ်။
တရုတ်ပြည် ကတော့ ဆင်းရဲမွဲတေ နှိပ်ကွပ်မှုကြောင့် ထွက်ပြေးလာတဲ့ မြောက်ကိုရီးယားတွေဟာ စီးပွားရေးကြောင့် ထွက်ပြေးလာသူတွေဆိုပြီး မြောက်ကိုရီးယားကို ပြန်ပို့လေ့ရှိပါတယ်။

..........................................................................................

ထောင်ပြောင်း နိုင်ငံရေးအကျဉ်းသား ဥပဒေရပိုင်ခွင့် ဆုံးရှုံး
19 December 2008
မန္တလေး အမျိုးသားဒီမိုကရေစီအဖွဲ့ချုပ်က ကိုရွှေမောင်အပါအ၀င်လေးဦးကိုမန္တလေးမှာဖမ်း၊ အင်းစိန်မှာထောင်ချပြီးတဲ့နောက် ဖျာပုံထောင်ကို ပြောင်းရွှေ့ခဲ့ပါတယ်။ ဖျာပုံထောင်ရောက်သွားတဲ့ ကိုရွှေမောင်ကို မကြာသေးခင်ကမှ သွားတွေ့ခဲ့တဲ့ ဇနီးဖြစ်သူကို ကိုကျော်ကျော်သိန်းက ဆက်သွယ်မေးမြန်းထားပါတယ်။
ကိုရွှေမောင်ဟာ မန္တလေးထောင်ကနေ ဒီနှစ် ဧပြီလမှာ ရန်ကုန်၊ အင်းစိန်ထောင်ကိုပြောင်း၊ အဲဒီမှာ ခုနစ်လကြာပြီးတဲ့နောက်မှာမှ ထောင် ၈ နှစ်ချပြီး အခုတခါဖျာပုံထောင်ကို ပြောင်းခံခဲ့ရတာပါ။ သူအပါအ၀င်လေးဦးကို အင်းစိန်ထောင်ကနေ ဖျာပုံထောင် ပြောင်းရွှေ့ခဲ့တဲ့နေ့က တလမ်းလုံး ဘာမှမစားရဘဲ သွားခဲ့ရတယ်လို့ သူ့ရဲ့ဇနီးဖြစ်သူ မသန်းသန်းဝင်းက ပြောပြပါတယ်။
“အင်းစိန်ထောင်ကနေ ဖျာပုံထောင်ကို ၁ ရက်နေ့ကနေ သင်္ဘောနဲ့ ည သူတို့ခေါ်သွားတယ်တဲ့။ ဟိုမှာ ဖျာပုံထောင်ကို ၂ ရက်နေ့မှာ ရောက်တယ်တဲ့။ လမ်းမှာ
သူတို့ ဘာမှလည်း မစားရဘူးတဲ့။ ဒီအတိုင်း တင်လွှတ်လိုက်တာတဲ့။ သူတို့ လုံခြုံရေးနဲ့ပေ့ါ။ လုံခြုံရေးတွေကိုလည်း ဘာမှမကျွေးလိုက်ဘူးဆိုတော့ လုံခြုံရေးတွေကလည်း ဘာမှ မတတ်နိုင်ဘူးတဲ့။”
ကိုရွှေမောင်နဲ့အတူ ဖျာပုံထောင်ကို ပြောင်းရွှေ့ခံခဲ့ရသူတွေကတော့ ကိုဇော်ဝင်း၊ကိုဝဏ္ဏအောင်နဲ့ ဦးပဉ္ဇင်း ဦးသုမန၊ လူအမည် ဦးမင်းသက်တို့ဖြစ်ပါတယ်။ အဖမ်းခံရပြီးကတည်းက ထောင်သာကျသွား၊ ထောင်သုံးခုသာ ပြောင်းသွားတယ်၊ကိုရွှေမောင်ကို ဘာပုဒ်မနဲ့ထောင်ချတယ်၊ သူကျူးလွန်တဲ့အပြစ်က ဘာတွေဆိုတာကို ကာယကံရှင် ဇနီးသည်အနေနဲ့ တရားဝင်ဝင် တိတိကျကျ ဘာမှမသိရဘူးလို့ မသန်းသန်းဝင်းက ပြောပါတယ်။
“ခုချိန်ထိ ကျမတို့ကို စာရွက်လည်း ထုတ်မပေးသေးဘူး။ သူ့ကိုတော့ ပုဒ်မ (၅၀၅)လို့တော့ ကျမကြားတာပဲ။ ပုဒ်မ (၅၀၅) က သုံးမှုတဲ့။ ပုဒ်မ (၃၄၅) လား ဘာလဲမသိဘူး။ သံဃာကို အကြည်ညိုပျက်စေမှုဆိုပြီး အဲဒါက တမှုတဲ့။ သူတို့ကိုလေးမှုနဲ့ ထောင် ၈ နှစ်ချတယ်တဲ့။ ကျမ အဲဒီလိုပဲသိရတယ်။ ကျမ အခု သူတို့ အဲဒီအမှုရဲ့ စာရွက်တွေ သွားထုတ်တော့လည်း မရသေးဘူး။ အဲဒီလိုပဲ ဖြေလိုက်တာထောင်က။ တရားဥပဒေအရ ကျမတို့မှာ ဘာမှ ခုခံခွင့်မရှိတာကို ကျမရင်ထဲမှာခံစားရတာပေါ့နော်။ ဘာမှ ခုခံခွင့်လည်းမရှိဘူး။ ကျမတို့ဘက်က ရှေ့နေထားခွင့်လည်း ကျမတို့မှာ မရလိုက်ဘူးလေ။ ဒီအတိုင်းပဲ တရားမဲ့ကြီးကို ထောင်ချလိုက်တာပဲ။ ပြီးတော့ ကိုရွှေမောင်နဲ့ပါသွားတဲ့ ပိုက်ဆံတွေလည်း ကျမ ပြန်မရဘူး။ အဲဒါတွေကိုပါ သူတို့ ခုချိန်ထိ ယူထားတာပဲ။”
မန္တလေးကနေ ဖျာပုံကိုသွားမယ်ဆိုရင် အရင်ဆုံး ရန်ကုန်ကိုသွား၊ အဲဒီကနေမှ ကားနှစ်ဆင့်ထပ်စီးပြီး ဖျာပုံထောင်ထိအရောက် စုစုပေါင်း မိုင် ၅၀၀ ကျော်ခရီးကို သွားရတာပါ။ ဒါပေမယ့်လည်း မသန်းသန်းဝင်းကတော့ ခင်ပွန်းဖြစ်သူကို ဘယ်လိုအခြေအနေမျိုးမှာပဲဖြစ်ဖြစ် ရောက်အောင် သွားတွေ့နေမှာပါလို့ ပြောပါတယ်။
“ကြိုးစားရမှာပေါ့။ ကိုယ့်ယောက်ျားတယောက် ဘယ်လိုပဲ ပြန်ပြီးတော့ လွှတ်ပဲပေးပေး၊ ပြန်မလွှတ်ဘဲနဲ့ပဲ ထားထား ကျမကတော့ ကြိုးစားပြီး သွားတွေ့ရမှာပဲသူ့ကို၊ သူကတော့ ဘာမှမပြောပါဘူး။ ငါ့မိန်းမတဲ့။ လာရတာ တော်တော်ဝေးတယ်တဲ့။ ကလေးလေးနဲ့ လာရတာဆိုတော့ စိတ်မကောင်းဘူးတဲ့။ အရင်လို တလတခေါက် မလာပါနဲ့တဲ့။ ကလေးကိုလည်း သနားလို့ပါတဲ့။ ကလေး ငယ်ငယ်လေးနဲ့ဆိုတော့။ နှစ်လနေမှ တခေါက်လောက်လာခဲ့ပါတဲ့။ သူကတော့ အဲဒီလို ပြောတာပေါ့။ ကျမ သူ့ကို စိတ်မချဘူးပေါ့နော်။ မတတ်နိုင်ဘူးပေါ့။ တလတခေါက်လောက်သွားနိုင်အောင် ကျမ ကြိုးစားရမှာပေါ့။”
ဖျာပုံထောင်ကို ပြောင်းရွှေ့ခံလိုက်ရတဲ့ နိုင်ငံရေးအကျဉ်းသား ကိုရွှေမောင်ရဲ့ဇနီးဖြစ်သူ မသန်းသန်းဝင်း ပြောသွားတာပါ။
ကိုရွှေမောင်တို့ကို ပြီးခဲ့တဲ့နှစ် စက်တင်ဘာလ ရွှေဝါရောင်လှုပ်ရှားမှုအပြီး ဖမ်းဆီးခဲ့တာဖြစ်ပါတယ်။ အဲဒီကာလတွေက ဖမ်းဆီးထားခဲ့သူတွေကို ပြီးခဲ့တဲ့သီတင်းပတ်တွေအတွင်း ထောင်ဒဏ်နှစ်ရှည်တွေချ၊ မိသားစုနဲ့ ဝေးလံတဲ့ထောင်တွေကိုပြောင်း လုပ်ခဲ့တဲ့ထဲမှာ ကိုရွှေမောင်တို့လည်း အပါအ၀င်ပါ။
အဲဒီလို ထောင်ချ ထောင်ပြောင်းတာတွေ မလုပ်ဖို့၊ လက်ရှိ ဖမ်းထားပြီးသားလူတွေကိုလည်း ပြန်လွှတ်ဖို့ ၀ိုင်းဝန်းတောင်းဆိုနေကြပေမယ့် မြန်မာစစ်အစိုးရကတော့ဆက်ပြီး အန်တုနေဆဲပါ။ ဒါကြောင့်လည်း မြန်မာနိုင်ငံက နိုင်ငံရေးအကျဉ်းသားတွေ ပြန်လွတ်လာဖို့ရာဟာ ကုလသမဂ္ဂလုံခြုံရေးကောင်စီက အရေးယူလုပ်ဆောင်မှရမယ်လို့ သုံးသပ်ပြောဆိုတာတွေလည်း ထွက်ပေါ်နေကြောင်းပါ။

ပြန်လွတ်လာအပြီး မိတ်ဆွေများနဲ့ စကားလက်ဆုံကျနေတဲ့ ဦးဝင်းတင် (ဦးမိုးသူ၊ ဦးစိုးသိန်း၊ ဦးအောင်သိန်း)


မြန်မာစစ်အစိုးရ အာဏာပိုင်တွေက ထောင်နဲ့ချီတဲ့ အကျဉ်းသားတွေကို နိုင်ငံတ၀န်းမှာရှိတဲ့ ထောင်တွေကနေ လွှတ်ပေးရာမှာ အသက် ၇၈ နှစ်အရွယ်ရှိ ထင်ရှားတဲ့ သတင်းစာဆရာကြီး ဦးဝင်းတင်အပါအ၀င် နိုင်ငံရေး အကျဉ်းသားတချို့လည်း ပါဝင်ခဲ့ပါတယ်။
မြန်မာစစ်အစိုးရ အာဏာပိုင်တွေကတော့ တည်ဆဲဥပဒေတွေအရ ပြစ်ဒဏ်ကျခံနေရတဲ့ အကျဉ်းသားတွေကို နိုင်ငံတော်သစ် တည်ထောင်ရာမှာ အကျိုးပြုမယ့် နိုင်ငံသားတွေ ဖြစ်လာစေဖို့ရည်ရွယ်ပြီး အခုလို လွတ်ငြိမ်းချမ်းသာခွင့် ပေးတာလို့ ဆိုပါတယ်။
ဦးဝင်းတင်ကတော့ လွတ်ငြိမ်းချမ်းသာခွင့်ဆိုတာကို လက်မခံဘဲ မတရား အကျဉ်းချခံထားရတဲ့သူ့ကို ထောင်ချထားခြင်းကနေ ရပ်စဲတယ်လို့ပဲ လက်ခံယူဆကြောင်းပြောပါတယ်။

.............................................................

အမျိုးသမီးများအပေါ် လိင်အကြမ်းဖက်မှုကို စစ်လက်နက်သဖွယ် သုံးနေကြပြီလော

လက်နက်ကိုင် ပဋိပက္ခတွေအကြား အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေကို စစ်ရေး လက်နက် တခုသဖွယ် ပြုနေတယ်လို့ ဆိုပြီး ဒီလို အကြမ်းဖက်မှုတွေကို ကုလသမဂ္ဂ လုံခြုံရေးကောင်စီမှာ ကြာသပတေးနေ့က အစည်းအဝေး တက်ရောက်လာကြတဲ့ နိုင်ငံပေါင်း ၆၀ ကျော်က ရှုတ်ချလိုက်ပါတယ်။ ဒီလအတွက် လုံခြုံရေးကောင်စီ အလှည့်ကျ သဘာပတိနေရာကို အမေရိကန် ပြည်ထောင်စုက ယူထားတာဖြစ်သလို အမေရိကန် နိုင်ငံခြားရေးဝန်ကြီး ကွန်ဒိုလီဇာရိုက်စ်က လုံခြုံရေး ကောင်စီမှာပြုလုပ်တဲ့ ဒီအစည်းအဝေးအတွင်း သဘာပတိအဖြစ် ဆောင်ရွက်ခဲ့ပါတယ်။ ဒီအစည်းအဝေးနဲ့ပတ်သက်လို့ ကုလသမဂ္ဂဌာနချုပ်ရှိရာ နယူးယောက်မြို့ကနေ ဗွီအိုအေ သတင်းထောက် Margaret Besheer သတင်းပေးပို့ထားတာကို မခင်ဖြူထွေးက တင်ပြထားပါတယ်။
အခုလို အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေကို စစ်ရေး လက်နက်တခုသဖွယ် အသုံးပြုနေတာနဲ့ ပတ်သက်လို့ လုံခြုံရေးကောင်စီမှာ ဆွေးနွေးသင့်တဲ့ အကြောင်းအရာ ဟုတ်မဟုတ် နှစ်နဲ့ချီ အငြင်းပွားခဲ့ကြရတယ်လို့ နိုင်ငံခြားရေးဝန်ကြီး ကွန်ဒိုလီဇာရိုက်စ် က ဆိုပါတယ်။
"လက်နက်ကိုင် ပဋိပက္ခတွေအကြား အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုကိစ္စဟာ လုံခြုံရေးအရ အမှန်တကယ် စိုးရိမ်စရာ ဖြစ်တယ်ဆိုတာကို ကုလသမဂ္ဂက အခု အသိအမှတ် ပြုလာပါပြီ။ လိင်ပိုင်းဆိုင်ရာ အကြမ်းဖက်မှုဟာ အမျိုးသမီးတွေရဲ့ ကျန်းမာရေးနဲ့ လုံခြုံမှုကိုပဲ ထိခိုက်တာမဟုတ်ပါဘူး။ နိုင်ငံတခုရဲ့ စီးပွားရေးနဲ့ လူမှုရေး မတည်ငြိမ်မှုတွေကို ဖြစ်စေပါတယ်။"
တရက်ကြာ အခြေအတင် ဆွေးနွေးမှု အပြီးမှာတော့ လက်နက်ကိုင် ပဋိပက္ခတွေအတွင်း အမျိုးသမီးတွေအပေါ် လိင်ပိုင်းဆိုင်ရာအရာ အကြမ်းဖက်မှုတွေကို အဆုံးသတ်ဖို့ ဆုံးဖြတ်ချက်တရပ်ကိုလည်း ချမှတ်နိုင်ခဲ့ပါတယ်။
"အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေနဲ့ပတ်သက်လို့ အများသိအောင် ကြိုးပမ်းတဲ့ လုပ်ငန်းစဉ်တရပ်ကို ဒီ ဆုံးဖြတ်ချက်ထဲမှာ ချမှတ်ခဲ့ကြပါတယ်။ အထူးသဖြင့် - ဒီ ဆုံးဖြတ်ချက်ကနေ လက်နက်ကိုင် ပဋိပက္ခတွေအကြား အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေကို စစ်ရေးလက်နက်သဖွယ် အသုံးပြုနေတာနဲ့ပတ်သက်လို့ စုံစမ်းစစ်ဆေးမှုတွေ လုပ်ဖို့နဲ့ ရရှိလာတဲ့ အချက်အလက်တွေကို လုံခြုံရေးကောင်စီမှာ ပုံမှန် တင်ပြသွားနိုင်တဲ့ လုပ်ငန်းစဉ်တရပ် ချမှတ်နိုင်ရေး ပြင်ဆင်ဖို့ ကုလသမဂ္ဂ အတွင်းရေးမှူးချုပ်ကိုလည်း တောင်းဆိုထားပါတယ်။"
ကွန်ဂို သမ္မတ နိုင်ငံနဲ့ ဆူဒန်နိုင်ငံတွေလို ပဋိပက္ခဖြစ်နေတဲ့ဒေသတွေမှာ အမျိုးသမီးတွေကို လိင်ပိုင်းဆိုင်ရာအရ အကြမ်းဖက်မှုတွေ ကျယ်ကျယ်ပြန့်ပြန့် ရှိနေတာနဲ့ပတ်သက်လို့ စိုးရိမ်မကင်း ဖြစ်တဲ့အကြောင်းလည်း နိုင်ငံခြားရေး ၀န်ကြီး ရိုက်စ်က ထုတ်ဖော်ပြောကြားခဲ့ပါတယ်။ ကုလသမဂ္ဂရဲ့ ငြိမ်းချမ်းရေးတပ်ဖွဲ့ဝင်တွေနဲ့ နောက် လစ်ဗျားနိုင်ငံမှာ ရောက်ရှိနေတဲ့ ကုလသမဂ္ဂ ၀န်ထမ်းတချို့ကလည်း အမျိုးသမီးတွေကို ခေါင်းပုံဖြတ် အသုံးချမှုတွေ လုပ်နေတယ် ဆိုတဲ့ အစီရင်ခံစာတွေ ရှိတဲ့အကြောင်းလည်း သူက ထောက်ပြခဲ့ပါတယ်။
ကုလသမဂ္ဂအနေနဲ့ ဒီလို ပြဿနာတွေကို ဖြေရှင်းဖို့ ကြိုးစားဆောင်ရွက်နေပြီး သူ့ ၀န်ထမ်းတွေအနေနဲ့ ဒီလို အမျိုးသမီးတွေအပေါ် လိင်ပိုင်းဆိုင်ရာအရ ခေါင်းပုံဖြတ်အသုံးချတာကို လုံးဝ သည်းခံမှာမဟုတ်တဲ့အကြောင်း အတွင်းရေးမှူးချုပ် ဘန်ကီမွန်းက အစည်းအဝေးမှာ ပြောကြားသွားခဲ့ပါတယ်။
ပဋိပက္ခတွေကနေ လွန်မြောက်ပြီး ပြန်လည် တည်ဆောက်ရေးအတွက် ကြိုးပမ်းနေကြတဲ့ တချို့ လူ့အဖွဲ့အစည်းတွေမှာ ဆိုရင်လည်း အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေ ဆိုးဆိုးရွားရွား အခြေအနေမှာ ရှိနေသေးသလို ဒီကိစ္စကို ထိပ်ဆုံးကထားပြီး ဖြေရှင်းဖို့ လိုအပ်တဲ့အကြောင်းလည်း အတွင်းရေးမှူးချုပ် မစ္စတာ ဘန်ကီမွန်းက ဆက်ပြောသွားခဲ့ပါတယ်။
ဘောစနီးယား၊ ရ၀မ်ဒါ၊ ကမ်ဘောဒီးယား၊ ဟိတ်တီ၊ လစ်ဗျား နဲ့ ယူဂန်ဒါ စတဲ့ ကမ္ဘာတ၀ှမ်းက လက်နက်ကိုင် ပဋိပက္ခတွေ ဖြစ်ပွားရာ ဒေသတွေမှာ အမျိုးသမီးတွေအပေါ် လိမ်ပိုင်းဆိုင်ရာ အကြမ်းဖက်မှုတွေ ရှိနေတာနဲ့ပတ်သက်လို့ မှတ်တမ်းတွေ ရှိပါတယ်။ အကြမ်းဖက်ခံရတဲ့ အမျိုးသမီးတွေဟာ သူတို့ရဲ့ မိသားစု၊ ဒါမှမဟုတ် လူ့အဖွဲ့အစည်းရဲ့ စွန့်ပယ်မှု ခံရတာတွေရှိသလို တချို့ကလည်း အိပ်ခ်ျအိုင်ဗွီ အိပ်စ် ရောဂါ ကူးစက်တာ ခံရသူတွေလည်း ရှိပါတယ်။
စစ်ပွဲဖြစ်ပွားတဲ့ ကာလတွေအတွင်းမှာ အမျိုးသမီးတွေဟာ အတင်းအဓမ္မ ပြုကျင့်ခံရတာတွေအပြင် အတင်းအကျပ် ပြည့်တန်ဆာအဖြစ် စေခိုင်းခံရတာ၊ နောက် စားဝတ်နေရေး အတွက် သူတို့ရဲ့ ခန္ဓာကိုယ်ကို ပေးဆပ်ရတာ စတာတွေနဲ့ ကြုံတွေ့ရလေ့သလို တချို့ အမျိုးသမီးငယ်တွေဆိုရင် ကလေးစစ်သားအဖြစ် အတင်းအဓမ္မ စုဆောင်းတာတွေလည်း ခံရလေ့ ရှိပါတယ်။
ဒီလို လက်နက်ကိုင် ပဋိပက္ခတွေအကြား အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေကို စစ်ရေးလက်နက်သဖွယ် အသုံးပြုနေတာတွေဟာ စစ်အစိုးရအုပ်ချုပ်တဲ့ မြန်မာနိုင်ငံမှာလည်း ရှိနေတယ်လို့ WLB အမျိုးသမီးများ အဖွဲ့ချုပ် (မြန်မာနိုင်ငံ) ရဲ့ သဘာပတိ အဖွဲ့ဝင်တယောက်လည်းဖြစ်၊ ပလောင်အမျိုးသမီးသမဂ္ဂ ကို ထူထောင်ခဲ့သူဖြစ်တဲ့ မလွေအေးနန်းက အခုလို ပြောပြပါတယ်။
"စစ်ပွဲတွေ ဖြစ်တဲ့နေရာမှာ၊ တိုက်ပွဲတွေ ဖြစ်တဲ့နေရာမှာ ကြည့်မယ်ဆိုလို့ရှိရင် ဥပမာ ကရင်ဒေသမှာ ရှိတဲ့ဟာတွေ၊ နောက်ပြီး ရှမ်းပြည်မှာ ဖြစ်နေတဲ့ဟာတွေ ရှိတယ်။ တိုင်းရင်းသူ အမျိုးသမီးတွေ အကုန်လုံး ခံနေရတာတွေ ရှိတယ်။ ဥပမာ ပြောမယ်ဆိုလို့ရှိရင် စစ်ပွဲထဲမှာ ဖြစ်နေတဲ့ဟာက အမျိုးသမီးတွေက စစ်ကြောင်းတကြောင်းက ၀င်လာပြီဆိုရင် တိုက်ပွဲတွေ ဖြစ်လာပြီဆိုလို့ရှိရင် အဲဒီမှာ ရှိနေတဲ့ အမျိုးသားတွေက အကုန်လုံး ထွက်ပြေးသွားတာမျိုးတွေ ရှိနေတယ်။ နောက်ပြီးတော့ ပေါ်တာဆွဲခံရလို့ ထွက်ပြေးရတဲ့ အမျိုးသားတွေ ရှိတယ်။ နောက်ဆုံး ကျန်တာက အဲဒီရွာထဲမှာ အမျိုးသားတွေ လိုက်ရှာမရလို့ အချိန်မှာ အမျိုးသမီးတွေက ဓါးစားခံ ဖြစ်လာတာပေါ့နော်။ အဲဒီမှာရှိတဲ့ အမျိုးသမီးတွေက အစုလိုက်အပြုံလိုက်လိုမျိုးပေါ့နော်။ မုဒိမ်းကျင့် ခံရတဲ့ဟာမျိုးတွေ ဖြစ်လာတာပေါ့နော်။ အဲဒါတွေကလည်း စစ်လက်နက်တခုအနေနဲ့ပေါ့နော် အဲဒီမှာရှိနေတဲ့ ရွာသားအမျိုးသားတွေကို လိုက်ရှာမတွေ့တော့တာနဲ့ ရန်သူတွေကို လိုက်ရှာမတွေ့တော့တာနဲ့ ကျန်နေခဲ့တဲ့ အမျိုးသမီးငယ်တွေကို၊ မိခင်တွေကို မုဒိန်းကျင့်တာတွေက ဒါတွေဟာ အမျိုးသမီးတွေကို စစ်လက်နက်သဖွယ် အသုံးပြုပြီးတော့ အကြမ်းဖက်နေတာမျိုးတွေ ဖြစ်တာပေါ့။"
ဟုတ်ကဲ့။ မြန်မာစစ်တပ်ဘက်က ကျူးလွန်တာတွေပေါ့နော်။ မြန်မာစစ်အစိုးရကို လက်နက်ကိုင် တော်လှန်နေတဲ့ အဖွဲ့အစည်းတွေဘက်မှာရော ဒီလို အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေ မရှိဘူးလားရှင့်။ -
"အဲဒါက ပြောရမယ်ဆိုရင် ကျမတို့ အတွေ့အကြုံရှိတာက ကျမတို့ ပလောင်မှာ Palaung State Liberation Army ဆိုတာ ရှိတယ်။ အခု ပြီးခဲ့တဲ့ ၂၀၀၅ ခုနှစ်တုန်းက အတင်းအဓမ္မ လက်နက်ချ ခံရတဲ့အဖွဲ့ ရှိတာပေါ့နော်။ ဒါကို ကြည့်မယ်ဆိုရင် သူတို့ကလည်း လက်နက်ကိုင်ဖြစ်တာပေါ့နော်။ သူတို့ကြားထဲမှာ ဒီလို ကိစ္စရပ်တွေဖြစ်လားလို့ ကြည့်မယ်ဆိုလို့ရှိရင် ကျမတို့ ဘက်လိုက်ပြီးတော့ ပြောတာမဟုတ်ပါဘူး။ ကိုယ့် ပလောင် မိုလို့ ဘက်လိုက်ပြီး ပြောတာမဟုတ်ဘူး။ ဒါတွေက မရှိနေပါဘူး။ ဘာဖြစ်လို့လဲဆိုတော့ ကျမတို့ ပလောင် လက်နက်ကိုင်အဖွဲ့တွေ ရှိနေတာက ကျမတို့ ပလောင်ပြည်သူလူထုတွေက ဒီစစ်အာဏာရှင်တွေ၊ နအဖ စစ်တပ်ကနေ ထိုးစစ်ဆင်တဲ့နေရာမှာ ဒီမှာရှိတဲ့ ပြည်သူလူထုတွေကို ပလောင်လူထုတွေကို အကြမ်းဖက်နေတာတွေကို မတော်မတရားလုပ်နေတာတွေက ကာကွယ်ဖို့အတွက် ရပ်တည်နေတာဖြစ်တာကြောင့် ကျမတို့လူထုတွေကို ကာကွယ်တာမျိုး ဖြစ်တယ်။ တချို့နေရာဒေသတွေမှာဆိုရင် ကျမတို့ ဒီမှာရှိနေတဲ့ ပလောင်အမျိုးသမီးတွေက မုဒိမ်းကျင့်ခံရတာမျိုးဆိုလို့ရှိရင် သွားပြီးတော့ သူတို့တွေကိုယ်တိုင် လိုက်ပြီးတော့ ဒါတွေကို အကာအကွယ် ပေးနေတဲ့ အဆင့်မျိုးတွေ ရှိတာပေါ့နော်။ သူတို့ကြားထဲမှာ ဒါတွေကလည်း ဖြစ်လို့မရဘူး။ ဖြစ်လည်း မဖြစ်နေဘူး။ ရှိလည်း မရှိနေဘူးပေါ့။"
ပလောင်အမျိုးသမီးသမဂ္ဂက မလွေအေးနန်း ပြောပြခဲ့တာဖြစ်ပါတယ်။

.....................................................................

ငွေကြေးဈေးကွက် ကယ်တင်ရေးအစီအစဉ် မှန်ကန်တဲ့ရွေးချယ်မှုလို့ သမ္မတဘုရှ် ခေါ်ဆို

ဘဏ္ဍာရေး အကျပ်အတည်း ကယ်တင်ရေး ဥပဒေ အတည်ပြု လက်မှတ်ရေးထိုးနေသည့် သမ္မတ ဘုရှ်

(အောက်တိုဘာ ၃၊ ၂၀၀၈)
အမေရိကန်ပြည်ထောင်စုမှာ ကြုံတွေ့နေရတဲ့ ဘဏ္ဍာရေး ပြဿနာ အကျပ်အတည်း ပြေလည်သွားပါလိမ့်မယ်။ ဒါပေမယ့် မကြာခင်ကပဲ အတည်ပြုခဲ့တဲ့ ဘဏ္ဍာရေး အကျပ်အတည်းဖြေရှင်းရေးဥပဒေ ရဲ့ အကျိုး သက်ရောက်မှု ဖြစ်ပေါ်ဖို့ကတော့ အချိန် စောင့်ရဦးမယ်လို့ အမေရိကန် သမ္မတ ဂျော့ ဘုရှ် က ပြောကြားသွားပါတယ်။
သမ္မတ ဘုရှ် က သူ့ရဲ့ စနေနေ့ ရေဒီယို မိန့်ခွန်းမှာ အခုလို အမေရိကန်လူထုကို အားပေးစကား ပြောသွားတာပါ။ အကျပ်အတည်း တွေ့နေတဲ့ ဘဏ္ဍာရေး လုပ်ငန်းတွေကို ဒေါ်လာ သန်းပေါင်း ၇ သိန်း နဲ့ ကယ်တင်ဖို့ စီစဉ်တာဟာ မှန်ကန်တဲ့ လုပ်ဆောင်မှုပဲလို့ သမ္မတ ဘုရှ် က ပြောပါတယ်။ သောကြာနေ့ကပဲ ဥပဒေအဖြစ်နဲ့ အတည်ပြုလိုက်တဲ့ အဲဒီအစီအစဉ်အရ ကြွေးမြီ ပေးတဲ့ ဘဏ်တွေ ငွေကြေးဝန်ဆောင်မှု လုပ်ငန်းတွေနဲ့ ရင်းနှီးမြှုပ်နှံသူတွေ ဈေးကွက်အပေါ်မှာ ပေါ်ပြီးတော့ အယုံအကြည် ရှိလာစေဖို့ စီးပွားရေး ဖွံ့ဖြိုးမှုတွေ ပိုပြီးတော့ ပေါ်ပေါက်လာ စေဖို့အတွက် အကျပ်အတည်း တွေ့နေတဲ့ ဘဏ္ဍာရေး ကုမ္ပဏီတွေကနေ တန်ဖိုးကျ ရင်းနှီးမြှုပ်နှံမှုတွေကို အစိုးရက ၀ယ်ယူမှာ ဖြစ်ပါတယ်။
ဥရောပ ခေါင်းဆောင်တွေကလည်း ဘဏ္ဍာရေးဆိုင်ရာ ပြဿနာတွေကို ကိုင်တွယ်ဖြေရှင်းနေကြရပါတယ်။ တကမ္ဘာလုံးမှာ ဖြစ်ပေါ်နေတဲ့ ကြွေးမြီစနစ်မှာ အကျပ်အတည်း ဖြစ်နေတဲ့ပြဿနာကို ဖြေရှင်းဖို့ ပြင်သစ်၊ ဗြိတိန်၊ ဂျာမဏီ နဲ့ အီတလီ တို့က ခေါင်းဆောင်တွေ စနေနေ့ကပဲ ပြင်သစ်နိုင်ငံ ပါရီမြို့တော်မှာ တွေ့ဆုံခဲ့ ကြပါတယ်။ အစည်းအဝေး တက်ရောက်တဲ့ အစိုးရတွေဟာ သူတို့ နိုင်ငံတွေမှာ သူတို့နည်း သူတို့ဟန်နဲ့ လုပ်ကိုင်သွားကြမှာ ဖြစ်တယ်။ ဒါပေမယ့် တခြား ဥရောပ နိုင်ငံတွေနဲ့ ညှိနှိုင်း တိုင်ပင် လုပ်ဆောင်ကြမှာ ဖြစ်တယ်လို့ ဒီအစည်းအဝေးကို စီစဉ်ခဲ့တဲ့ ပြင်သစ်သမ္မတာ နီကိုးလက်(စ်) ဆာကိုဇီ က ပြောပါတယ်။
ဗြိတိသျှ ၀န်ကြီးချုပ် ဂေါ်ဒန်ဘရောင်းကတော့ ကြံ့ခိုင်ပြီးတော့ ကြွေးကင်းတဲ့ ဘယ်ဘဏ်မှ အပြင်ကို ထုတ်ပေးစရာ ငွေမရှိတာ နဲ့တော့ လုပ်ငန်း ပျက်သွားရတာမျိုး ကြည့်မနေသင့်ပါဘူးလို့ ပြောပါတယ်။ ဒါပေမယ့် ဒီပြဿနာ အတွက် ဘဏ်တွေရော၊ ငွေကြေးကစားသူတွေရော သူတို့လုပ်ခဲ့တဲ့ ဆိုးပြစ်ကိုတော့ မျှဝေခံစားရမယ်လို့ ဥရောပ ခေါင်းဆောင်တွေ တင်ပြသွားကြပါတယ်။
......................................................................................

ပြည်ပကတင်သွင်းတဲ့ နို့မှုန့်တွေ မစားသုံးဖို့ မြန်မာအာဏာပိုင်တွေ နှိုးဆော်ပြည်ပကတင်သွင်းတဲ့ နို့မှုန့်တွေ မစားသုံးဖို့ မြန်မာအာဏာပိုင်တွေ နှိုးဆော်

တရုတ်နိုင်ငံက ထုတ်လုပ်တဲ့ နို့ထွက် ပစ္စည်းတွေကို မစားသုံးကြဖို့အတွက် မြန်မာအာဏာပိုင်တွေက လူထုကို နိုးဆော် ထားတယ်လို့ တနင်္ဂနွေနေ့ထုတ် မြန်မာအလင်းသတင်းစာ ဖော်ပြလိုက်ပါတယ်။ ပလက်စတစ် ပစ္စည်းတွေ ထုတ်လုပ်ရာမှာ သုံးတဲ့ မယ်လမင်း ဓာတုဓာတ် ပါဝင်မှု အချိုးများတာကြောင့် သောက်သုံးတဲ့ ကလေးတွေမှာ ကျောက်ကပ် ပျက်စီးစေနိုင်တာမို့ ကျန်းမာရေး ၀န်ကြီး၊ ကျန်းမာရေး ဦးစီးဌာန၊ အစားအသောက်နဲ့ ဆေးဝါး ကွပ်ကဲရေး ဌာနကနေ တရုတ်နိုင်ငံက မြန်မာ ပြည်တွင်း တင်သွင်းလာတဲ့ ကလေးနို့မှုန့် ၁၆တန်ကို ဖျက်ဆီးခဲ့တဲ့အကြောင်း၊ ဈေးတွေမှာလည်း မယ်လမင်း အဆိပ်သင့်တဲ့ နို့မှုန့်နဲ့ နို့ထွက်ပစ္စည်းတွေ မရောင်းချဖို့ ညွှန်ကြားတဲ့ အကြောင်း မြန်မာ့အလင်း သတင်းစာက ရေးသားထားပါတယ်။
တရုတ်နိုင်ငံက အဆိပ်သင့်တဲ့ နို့မှုန့်တွေ ထုတ်လုပ်တဲ့ ကုမ္မဏီတွေ စာရင်းပြုစု ရာမှာ မပါဝင်တဲ့ တချို့ ကုမ္မဏီတွေကနေ မြန်မာပြည်ကို တင်သွင်းခဲ့တဲ့ နို့မှုန့်တန်ချိန် ၁၅၀၀ကိုလည်း စစ်ဆေးဖို့ စီစဉ်နေပြီလို့ မြန်မာ့အလင်း သတင်းစာမှာ ဖော်ပြထားပါတယ်။ တချိန်ထဲမှာလည်း ဒီနေ့ တရုတ်ပြည်မှာရှိတဲ့ မြို့ကြီး ၂၇မြို့က အသစ်ထုတ်လုပ်တဲ့ နို့ အရည်တွေမှာ အမျိုးပေါင်း ၆၀၀ကျော်မှာ မယ်လမင်း ဓာတုဓာတ် ကင်းစင်တာ တွေ့ရတယ်လို့ တရုတ်နိုင်ငံက လာတဲ့ သတင်းတွေမှာ ဖော်ပြထားပါတယ်။