ဝမ်းနည်းဖွယ်ရာ မြင်ကွင်း

to download

alphazawgyi - one font

ကျွန်တော်တို့ ရဲ့အပြစ်မဲ့ ပြည်သူတွေကို ဘယ်လို ကယ်တင်ကြမလဲ??

နိုင်ငံတကာအကူပစ္စည်း ဒုက္ခသည်များအလုံအလောက်မရ

to download

alpha zawgyi-one font

ဧရာဝတီ မြန်မာပိုင်းသတင်းဋ္ဌာနမှ ကောက်နှုတ်တင်ပြပါသည်။

နိုင်ငံတကာအကူပစ္စည်း ဒုက္ခသည်များအလုံအလောက်မရ

ကိုသက် မေ ၁၅၊ ၂၀၀၈

နာဂစ် မုန်တိုင်းဒဏ်သင့်ခဲ့သည့် ဧရာဝတီမြစ်ဝကျွန်းပေါ်ဒေသနှင့် ရန်ကုန်တိုင်းရှိ လေဘေးဒုက္ခသည်များထံ နိုင်ငံတကာက လှူဒါန်းသည့် အကူပစ္စည်းများ ယခုအချိန်အထိ ဒုက္ခသည်များလက်သို့ လုံလောက်စွာ မရောက်သေးကြောင်း သိရသည်။

လှိုင်သာယာမြို့နယ်ရှိ လေဘေးဒုက္ခသည်များ (ဓာတ်ပုံ - မိုးအောင်တင်/ဧရာဝတီ)

WFP (ကမ္ဘာ့ စားနပ်ရိက္ခာအစီအစဉ်) နှင့် ကမ္ဘာ့ကုလသမဂ္ဂအပါအ၀င် နိုင်ငံတကာမှ လေဘေးဒုက္ခသည်အများအတွက် အကူပစ္စည်းတန်ချိန် ၇၀၀ ကျော်ရှိ ဆန်၊ ပဲ၊ ရေသန့်ဆေးပြားနှင့် အာဟာရစွမ်းအားမြင့်ဘီစကစ်များ မြန်မာနိုင်ငံ ရောက်ရှိ ခဲ့ပြီးဖြစ်သည်။
အကူပစ္စည်း တန်ချိန် ၇၀၀ ကျော် ရောက်ရှိခဲ့သော်လည်း မြစ်ဝကျွန်းပေါ်ရှိ လေဘေးဒုက္ခသည်တချို့သာ အာဟာရစွမ်းအား မြင့်ဘီစကစ်နှင့် ဆန်တို့ကို ရကြကြောင်း သိရသည်။
ကုလသမဂ္ဂနှင့် နိုင်ငံတကာအကူများကို လုံလောက်စွာမရကြသဖြင့် ပြည်တွင်းအလှူရှင်များ၏ အကူအညီများကို လေဘေး ဒုက္ခသည်များ အားထားနေကြရသည်။
အကူပစ္စည်းများ သွားရောက်လှူဒါန်းသည့် အားကစားအယ်ဒီတာ ဦးဇော်သက်ထွေးက “မနေ့ကမှ အကူအညီတွေကို ပီပီပြင်ပြင်စရတယ်လို့ ဒုက္ခသည်တွေက ပြောတယ်။ အဲဒီမှာ ရွက်ဖျင်တဲအပြာတွေ ထိုးထားတာတွေ့တယ်။ ကယ်ဆယ်ရေး စခန်းမှာချက်ထားတဲ့ဟင်းတွေကြည့်တဲ့အခါမှာတော့ ပဲဟင်းနဲ့ အာလူးပဲ တွေ့တယ်။ နိုင်ငံခြားဖြစ် Ready Made တွေမတွေ့ ဘူး။ ကျနော်တို့ ယူသွားပေးတဲ့ရေသန့်ဆေးပြားကိုတောင် သူတို့က နေမကောင်းရင်သောက်တဲ့ဆေးထင်နေလို့ အသုံးပြု နည်းကို ရှင်းပြခဲ့ရသေးတယ်” ဟု ဧရာဝတီကို ပြောသည်။
ရန်ကုန်တိုင်း ကွမ်းခြံကုန်းမြို့နယ်နှင့် ဧရာဝတီတိုင်း ဒေးဒရဲမြို့နယ်များတွင် ဦးဇော်သက်ထွေးအပါအ၀င် the Voice ဂျာနယ်၊ Action Time ဂျာနယ်၊ ပေါ်ပြူလာဂျာနယ်၊ လျှပ်တပျက်ဂျာနယ်၊ ဟာသသရုပ်ဆောင် ငှက်ပျောကြော် စသဖြင့် စုစုပေါင်း အယောက် ၃၀ ကျော်တို့က ဆန်၊ ဆီ၊ ဆား၊ ပဲ၊ ဘီစကစ်၊ ခေါက်ဆွဲခြောက်၊ အ၀တ်အထည်၊ မိုးကာဖျင်၊ စောင်နှင့် ဒန်အိုးများကို ဒိုင်နာကား ၃ စီးဖြင့် သွားရောက်လှူဒါန်းကြခြင်း ဖြစ်သည်။
“ကျနော်တို့အဖွဲ့အပြင် အဖွဲ့ ၁၀ ဖွဲ့လောက်က ဒုက္ခသည်တွေကို လှူဒါန်းဝေငှနေတာကို တွေ့ခဲ့ရတယ်။ အားလုံးက ပုဂ္ဂလိက အလှူရှင်တွေ။ ဒုက္ခသည်တွေ ယာယီစားဖို့သောက်ဖို့လောက်တော့ ရသွားမယ်ထင်တယ်” ဟု ဦးဇော်သက်ထွေးက ပြောသည်။
ရွှေသံလွင်ကုမ္ပဏီနှင့် ဘုရင့်နောင်ကားဝန်းကြီးမိသားစုတို့က အကူပစ္စည်းများ လာရောက်လှူဒါန်းသည်ကို တွေ့ခဲ့ကြောင်း လည်း ၎င်းကဆက်ပြောသည်။
ငှက်ပျောကြော်က “ကွမ်းခြံကုန်းရောက်တဲ့အထိ ဒေသခံတွေက သက်ဆိုင်ရာကပစ္စည်းတွေမရောက်သေးဘူးလို့ ပြောတယ်။ ကွမ်းခြံကုန်းမြို့ပေါ်နဲ့ ကော့မှူး-ကွမ်းခြံကုန်းကြားမှာတော့ ရွက်ဖျင်တဲအပြာတွေထိုးထားတာ အလုံး ၅၀ လောက် ရှိမယ်။ လူမှုရေးကိစ္စဆိုတော့လည်း သွားကြတာပေါ့၊ ဒုက္ခသည်တွေဆီကို လာခဲ့ပါဦးမယ်လို့ ပြောခဲ့တယ်” ဟု ဧရာဝတီကို ပြောသည်။
ဧရာဝတီတိုင်း လပ္ပတ္တာမြို့နယ်တွင် နိုင်ငံတကာကြက်ခြေနီအဖွဲ့အပါအ၀င် အစိုးရမဟုတ်သည့် အဖွဲ့အစည်းများက ကယ်ဆယ်ရေးလုပ်ငန်းများလုပ်ကိုင်နေကြကြောင်း လပ္ပတ္တာမြို့နယ်မှ အန်အယ်လ်ဒီပါတီဝင် ဒေါက်တာ အေးကြူက ပြောသည်။
အဆိုပါအဖွဲ့အစည်းများသည် ဒုက္ခသည်များအား ယာယီရွက်ဖျင်တဲများဝေငှခြင်းနှင့် ကျန်းမာရေး စောင့်ရှောက်မှုများကို ပြုလုပ်ကြသည်ဟုလည်း ဒေါက်တာ အေးကြူက ပြောသည်။
အမေရိကန်၏ ကယ်ဆယ်ရေးပစ္စည်းလေယာဉ် ၆ စီး အပါအ၀င် ကုလသမဂ္ဂနှင့် အခြားနိုင်ငံများ၏ အကူပစ္စည်းများ ရန်ကုန်မြို့ မင်္ဂလာဒုံလေယာဉ်ကွင်းတွင်စုပုံနေပြီး တချို့က တရားမ၀င်ရောင်းထုတ်နေသည့် သတင်းများလည်း ပျံ့နှံ့လျက် ရှိသည်။
လေဘေးဒုက္ခသည်များအားလှူဒါန်းရန် အန်အယ်လ်ဒီပါတီက ရန်ကုန်မြို့ရှိ မင်္ဂလာဈေးတွင် အကူပစ္စည်းများ သွားရောက် ၀ယ်ယူရာ WFP အမှတ်တံဆိပ်ပါ မွေအရေခွံအိတ်များဖြင့် အကူပစ္စည်းများကိုထည့်ပေးလိုက်ကြောင်း သိရသည်။

ကော့မှူးတွင် ဒုက္ခသည်များ အလှူပစ္စည်းတန်းစီနေပုံ (ဓာတ်ပုံ - ဧရာဝတီ)

“ဒုက္ခသည်တွေကိုလှူဖို့ မင်္ဂလာဈေးမှာ တဘက်တွေသွားဝယ်တယ်၊ တော်တော်များတာပေါ့ဗျာ … ထောင်ကျော်ဝယ်တယ်၊ ဆိုင်ကလည်း သူ့ဈေးနဲ့သူရောင်းလိုက်တယ်။ ကျနော်တို့ကို မွေအရေခွံအိတ်တွေနဲ့ ထည့်ပေးလိုက်တယ်၊ ကျနော်တို့လည်း ယူလာတယ်။ ရုံးရောက်မှကြည့်လိုက်တော့ အဲဒီမွေအရေခွံအိတ်တွေမှာ ရေးထားတာက WFP … အဲဒီအောက်မှာ ဂျပန်နိုင်ငံ အလံ၊ အဲဒီအောက်မှာ မြန်မာလိုနဲ့ အင်္ဂလိပ်လို ဂျပန်နိုင်ငံ ပြည်သူများလှူဒါန်းသည်တဲ့ … အထဲကပစ္စည်းတော့မသိဘူး၊ WFP အိတ်က မင်္ဂလာဈေးကိုရောက်နေတယ်” ဟု အန်အယ်လ်ဒီပါတီ၏ ပြောရေးဆိုခွင့်ရှိသူ ဦးဉာဏ်ဝင်းက ဧရာဝတီကို ပြောသည်။
ယင်းကိစ္စနှင့်ပတ်သက်၍ ဦးဉာဏ်ဝင်းက “ကျနော်တို့ကတော့ ဒါမျိုးတွေတန့်သွားဖို့ အများသိအောင်အဓိကထား လုပ်တယ်။ ဥပဒေပိုင်းအရဆောင်ရွက်ဖို့ဆိုတာက သက်ဆိုင်ရာအာဏာပိုင်တွေမှာပဲ တာဝန်ရှိတယ်။ အဲဒီလို ရှက်စရာကောင်းတဲ့ ကိစ္စ တွေကို အချက်အလက်အတိအကျသိရရင် အများကသိအောင်၊ အဟန့်အတား ဖြစ်အောင်လုပ်မယ်” ဟု ပြောသည်။
ဂျပန်သို့ရောက်နေသည့် မြန်မာတဦးက “ဂျပန်လူမျိုးတွေကမေးလာရင် ရှင်းပြဖို့ဝန်မလေးပါဘူး။ အခုလိုဖြစ်နေတာက မြန်မာပြည်က အကျင့်ပျက်ခြစားပြီး မနိုင်မနင်းဖြစ်နေတဲ့ အစိုးရအုပ်ချုပ်ရေးယန္တရားကြီးက အဓိက တရားခံဖြစ်တယ်လို့ … အဲဒါကြောင့် သူတို့အလှူတွေကို အတတ်နိုင်ဆုံး အစိုးရလက်ဝေခံအဖွဲ့အစည်း တွေကတဆင့် တိုက်ရိုက်မလှူဖို့။ ပြည်သူ တွေဆီတိုက်ရိုက်ရောက်မယ့်နည်းလမ်းတွေနဲ့ကူဖို့ ပြောပြမယ်” ဟု ဧရာဝတီကို ပြောသည်။
“ပြောသာပြောရတာ … ကိုယ့်လူမျိုးက ဒီလိုအောက်တန်းကျလွန်းတဲ့စိတ်ထားတွေ၊ လုပ်ရပ်တွေရှိနေတာ အတော်မျက်နှာ ပူစရာကောင်းတယ်။ ဂျပန်လူမျိုးတွေကို မနည်းနားလည်အောင်ရှင်းပြရမှာ” ဟု ၎င်းကဆက်ပြောသည်။
ဂျပန်နိုင်ငံမှ Convenient Stores အမည်ရှိ ကုန်စုံဆိုင်ငယ်များ၏ ငွေရှင်းကောင်တာများတွင် မြန်မာနိုင်ငံမှ ဆိုင်ကလုန်းဒုက္ခ သည်များအားကူညီရန်အတွက် အလှူခံပုံးငယ်များချထားပြီး ယင်းဆိုင်ငယ်များ ဂျပန်နိုင်ငံတ၀န်း အများအပြားရှိကြောင်း သိရသည်။
အာဏာပိုင်များက ဒုက္ခသည်အကူပစ္စည်းများအား ကိုယ်ပိုင်ပစ္စည်းများသဖွယ် ထင်ရာစိုင်းနေကြချိန်တွင် ကိုယ်ထူကိုယ်ထ လုပ်အား၊ ငွေအားတို့ဖြင့် လေဘေးဒုက္ခသည်များအား လိုက်လံကူညီနေကြသူများကိုလည်း တွေ့နေရသည်။
“မြို့မှာ ဒုက္ခသည် ၈၀၀၀၀ လောက်ရှိတယ်၊ အဲဒီလူတွေကို မြို့ပေါ်ကနာရေးအသင်း၊ လူငယ်အဖွဲ့တို့ … မျိုးချစ်စိတ်ဓာတ်ရှိ တဲ့လူတွေအားလုံးက ၀ိုင်းဝန်းစောင့်ရှောက်နေရတယ်။ ရန်ကုန်က ပုဂ္ဂလိကအလှူရှင်တွေ ဆီက ကိုယ့်နည်းကိုယ့်ဟန်နဲ့ ရှာနေရတယ်” ဟု ဧရာဝတီတိုင်း လပ္ပတ္တာမြို့ရှိ ဒေသခံ လေဘေးကယ်ဆယ်ရေးသမားတဦးက ပြောသည်။
လပ္ပတ္တာမြို့တွင် ကယ်ဆယ်ရေးစခန်း ၁၈ ခုဖွင့်လှစ်ထားပြီး ဒုက္ခသည်များသည် သမံတလင်းပေါ်တွင် အိပ်နေရသဖြင့် ကျန်းမာရေးနှင့် မညီညွတ်ကြောင်း၊ ၀မ်းရောဂါ၊ ငှက်ဖျားနှင့် ကလေးများ သွေးလွန်တုပ်ကွေး ဖြစ်မည်ကို စိုးရိမ်ရကြောင်း သူကဆက်ပြောသည်။
ရန်ကုန်မြို့ မင်္ဂလာဒုံလေဆိပ်ရှိ အမည်မဖော်လိုသည့် တာဝန်ရှိသူတဦးက ဒုက္ခသည်များအတွက် နိုင်ငံတကာက ကူညီထား သည့် ရေသန့်စက် ၁၂ လုံးနှင့် မီးစက် ၆ လုံးကို နေပြည်တော်သို့သယ်သွားကြောင်း ပြောသည်။နိုင်ငံတကာကယ်ဆယ်ရေးအဖွဲ့အစည်းများ၏ စာရင်းများအရ ဧရာဝတီမြစ်ဝကျွန်းပေါ်ရှိ လပ္ပတ္တာ၊ ဘိုကလေး၊ မအူပင်၊ တွံတေးမြို့နယ်များနှင့် ရန်ကုန်တိုင်း ကွမ်းခြံကုန်းမြို့တို့တွင် လေဘေးဒုက္ခသည် ၄ သိန်းခန့်ရှိပြီး WFP ၏အကူအညီရရှိသူ ၂၇၀၀၀ ခန့်သာရှိကြောင်း သိရသည်။

နိုင်ငံခြားတပ်တွေ ဝင်လာရင် မြန်မာစစ်တပ် ဘာဖြစ်မလဲ

to download

alpha zawgyi-one font

ဧရာဝတီ သတင်းဋ္ဌာန မှ

ကောက်နှုတ်တင်ပြပါသည်။

နိုင်ငံခြားတပ်တွေ ဝင်လာရင် မြန်မာစစ်တပ် ဘာဖြစ်မလဲ

အေးချမ်းမြေ့ မေ ၁၆၊ ၂၀၀၈

၁၉၉၀ ရွေးကောက်ပွဲအပြီး မြန်မာနိုင်ငံကို စစ်အာဏာ သိမ်းပြီးနောက်ပိုင်းမှာ မြန်မာ ပြည်သူလူထုအနေနဲ့ နိုင်ငံခြားတပ်တွေ ကို မျှော်တတ်လာတာ တွေ့ရပါတယ်။
စစ်အစိုးရကြောင့် ဒုက္ခဆင်းရဲတွင်း နက်လာလေလေ အမေရိကန်တပ်တွေက စစ်အစိုးရကို ဘယ်လိုဝင် တိုက်မှာ၊ ဘယ်ပုံဝင် တိုက်တော့မှာနဲ့ မျှော်လင့်ချက်တွေ ပြင်းပြလာတာ တွေ့ရလေပါပဲ။ တချို့ဆို စိတ်ကူး တွေယဉ်ပြီး တကယ်ပဲ အမေရိကန် တပ်ကြီးကို သူပဲ မြင်လိုက်သလိုလို သူ့ဆီကိုပဲ အမေရိကန် သမ္မတက စာပို့လိုက်သလိုလိုနဲ့ လျှောက်ပြောတတ်ပါသေးတယ်။
ဒါလည်း လူတွေရဲ့မျှော်လင့်ချက် တရပ်မို့လို့ အပြစ်မဆိုသာပါဘူး။ လူတွေက စစ်အစိုးရရဲ့ လက်အောက်မှာ ဒုက္ခဆင်းရဲတွေ ခါးစည်းခံလာရတာ ကြာလာတော့ မျှော်မိမျှော်ရာ၊ တောင့်တမိတောင့်တရာ ကောက်ရိုး တမျှင်များ ဖြစ်လေမလားလို့ တွေးမိ လာကြတာ ဖြစ်မှာပါ။ စက်တင်ဘာ ရွှေဝါရောင် တော်လှန်ရေး နောက်ပိုင်းမှာတော့ လူတွေရဲ့ မျှော်လင့်ချက် စိတ်ကူးယဉ်မှု တွေက ပိုကြီးထွား လာပါတယ်။
ကုလသမဂ္ဂရဲ့ အထူးကိုယ်စားလှယ် မစ္စတာဂမ်ဘာရီ မြန်မာပြည်လာမယ်၊ ဒေါ်အောင်ဆန်းစုကြည်နဲ့ တွေ့မယ် ဆိုတာ နဲ့တင် လူတွေက မြန်မာစစ်အစိုးရကိုတော့ ကုလသမဂ္ဂက အပြစ်ပေးတော့မယ်ဆိုပြီး လက်ခုပ်လက်ဝါးတီးဖို့ စောင့်နေကြ တာပါ။ နောက် ထင်သလိုဖြစ်မလာ၊ ဂမ်ဘာရီကိုလည်း အားကိုး မရတော့ဘူး ဆိုတာသိလိုက်တဲ့နောက်ပိုင်းမှာ အမေရိကန် တပ်တွေ ပင်လယ်ဝရောက်နေပြီ၊ မြန်မာစစ်အစိုးရကို ဝင်တိုက်တော့မယ် ဆိုတာမျိုးတွေ ပြောကြပါတယ်။
တကယ်လည်း တတ်နိုင်တဲ့ တစုံတရာက မြန်မာစစ်အစိုးရကို ပြင်းပြင်းထန်ထန် အပြစ်ပေးတာမျိုး မြန်မာ လူထုက မြင်ချင် နေပါတယ်။ ဒါပေမယ့် လက်တွေ့မှာတော့ သူတို့ မျှော်လင့်သလို ဖြစ်မလာဘဲ ဇာတ်မျောကြီး ဖြစ်လို့။ မြန်မာ လူထုကလည်း ငါတို့ကံကိုက ဆိုးပါတယ်ဆိုပြီး ကိုယ့်ထိုက်နဲ့ ကိုယ့်ကံ သဘောထားလို့ ကံကိုပဲ ယိုးမယ်ဖွဲ့နေချိန် မမျှော်လင့်ဘဲ နာဂစ်ဆိုတဲ့ မုန်တိုင်းကြီးက ဝင်မွှေလိုက်ပါတော့တယ်။
နာဂစ်က မြန်မာပြည်သူလူထု အတွက်ကော မြန်မာစစ်အစိုးရ အတွက်ပါ အလှည့်အပြောင်း တစုံတရာ ဖန်တီးလိုက်တာလေ လားလို့ ဆိုရလောက်အောင်ပါပဲ။ နဂို စစ်အစိုးရကို မုန်းတီးနေတဲ့ ပြည်သူတွေဟာ ပိုပြီး မုန်းတီးလာပြီး အမေရိကန်တပ် တွေကို ပိုမျှော်လင့်လာကြပါတော့တယ်။
စစ်အစိုးရကလည်း သူတို့ရဲ့ အာဏာနဲ့ ဂုဏ်သိက္ခာအတွက် ၁ သန်းကျော် ရှိတဲ့ လေဘေး ဒုက္ခသည်တွေရဲ့ ဒုက္ခဆင်းရဲ၊ ဝေဒနာနဲ့ ငတ်မွတ်မှုကိုတောင် မငဲ့ကွက်ဘဲ တင်းခံနေပါတယ်။ အဲဒီလို တင်းခံနေလေ ပြည်သူ တွေရဲ့ အမုန်းအင်အားက ကြီးမားလေ ဖြစ်နေပါတယ်။
ခုချိန်မှာတော့ ပြည်သူတွေ မျှော်လင့်ခဲ့သလို ဖြစ်လာပြီလားလို့ မေးရမလိုဖြစ်နေပါပြီ။ မြန်မာ့ရေပိုင်နက် အဝမှာ အင်္ဂလန်၊ ပြင်သစ်နဲ့ အမေရိကန် စစ်သင်္ဘောတွေဟာ ရိက္ခာတွေ၊ စစ်အင်အားတွေ အပြည့်အစုံနဲ့ ရောက်နေပြီ။ နိုင်ငံတကာကို ရောက်နေတဲ့ မြန်မာ့အရေးလှုပ်ရှားသူတွေ အပါအဝင် အဖွဲ့အစည်းတွေနဲ့ တခြားသော အနောက် နိုင်ငံတွေကလည်း မြန်မာပြည်ထဲကို ကယ်ဆယ်ရေးတပ်တွေ ဝင်ဖို့ ဝိုင်းဝန်း တောင်းဆိုနေပါပြီ။
မေးစရာတခုကတော့ အဲဒီလို အမေရိကန်အပါအဝင် ကယ်ဆယ်ရေးတပ်တွေ မြန်မာ့မြေပေါ် ခြေချပြီး ဒုက္ခသည်တွေကို အတင်းဝင်ရောက် ကယ်ဆယ်ရေးတွေ လုပ်လိုက်ရင် မြန်မာ့ တပ်မတော်ကြီးအနေနဲ့ ဘာတွေဖြစ်မလဲ ဆိုတာပါပဲ။
ပြင်သစ် နိုင်ငံခြားရေး ဝန်ကြီး ဘားနတ် ကော့ချနာကဆိုရင် “ပြင်သစ် သင်္ဘောတွေ၊ ဟယ်လီကော်ပတာ တွေ အနေနဲ့ ဒုက္ခသည်တွေဆီ ရောက်ဖို့ နာရီဝက်လောက်ပဲ ကြာမှာပါ။ ကျနော်တို့ရဲ့ မဟာမိတ် ဗြိတိသျှ ကယ်ဆယ်ရေး ယာဉ်တွေ ဆိုရင်လည်း အတူတူပါပဲ” လို့ ပြောနေပါပြီ။ သူပြောမယ် ဆိုလည်း ပြောစရာပါ။ ပြင်သစ်က လေယာဉ်တင် သင်္ဘော အရွယ်အစားရှိတဲ့ တန်ချိန် ၂၂၀၀၀ စစ်သင်္ဘောကြီးရယ်၊ အမေရိကန် စစ်သား ၁၁၀၀၀ ကျော်ပါတဲ့ အမှတ် (၇) ရေတပ် စခန်းက စစ်သင်္ဘော အုပ်စုရယ် နောက်တော့ ဗြိတိန်က ဖရီးဂိတ် စစ်သင်္ဘောတစီးရယ်က အဆင်သင့်အနေအထား ရှိနေတာလေ။
“ကျနော်တို့ အနေနဲ့ မြန်မာစစ်အစိုးရကို ဆက်တိုက်လို ဖိအားပေး တောင်းဆိုနေကြပါတယ်။ ဒါပေမယ့် ခုထိ ဘာမှ မပြန်ကြားသေးလို့ ဘာမှဆက်လုပ်လို့ မရပါဘူး” လို့ အဲဒီ ပြင်သစ် နိုင်ငံခြားရေးဝန်ကြီးက ဆိုနေပါပြီ။
တကယ့်တကယ် နိုင်ငံတကာက လူသားချင်းစာနာထောက်ထားတဲ့ ကယ်ဆယ်ရေး တပ်တွေသာ ဝင်ရောက်စွက်ဖက် လာမယ် ဆိုရင် မြန်မာ့တပ်မတော်ရဲ့ အနေအထားအရ ခုခံကာကွယ် တိုက်ခိုက်မှာ မဟုတ်ဘူးလို့ လူလတ်ပိုင်းအရွယ် ဗိုလ်မှူးဟောင်းတဦးက ဧရာဝတီကို ပြောပါတယ်။
သူ့အနေနဲ့ တပ်မတော်မှာ တာဝန်ထမ်းဆောင်စဉ်က အရည်အချင်းလည်း ရှိခဲ့တယ်၊ ခုချိန်မှာ ငယ်ရွယ်ဆဲလည်း ဖြစ်နေတဲ့ အတွက် အရပ်ဝတ်တဦး ဖြစ်နေပေမယ့် အချိန်မရွေး မြန်မာစစ်အစိုးရရဲ့ ခေါ်သုံးခြင်းခံရနိုင်တယ်လို့ ဆက်ပြောပါတယ်။
“ခိုင်းစရာရှိရင်တော့ ခေါ်မှာသေချာတယ်။ ဒါပေမယ့် ကျနော်တို့ကတော့ မသွားပါဘူး။ တခြား ကျနော့်လို့ လူတွေလည်း သွားမှာမဟုတ်ဘူး။ အားလုံးက စစ်တပ်ကို တော်တော်လေး စိတ်နာနေပြီ။ ကျနော်က အသိဆုံးပဲ” လို့ သူက ပြောပြပါတယ်။
စစ်သားတွေနဲ့ သူတို့မိသားစုတွေကို တကယ့်တကယ်မှာ စစ်အစိုးရက ကာကွယ်မှု လုံလုံခြုံခြုံ မပေးနိုင်ဘူးလို့ သူက ဆက်ပြောတယ်။ စစ်သားတွေက စစ်ဗိုလ်ချုပ်တွေရဲ့ အမိန့်ကို နာခံတယ်ဆိုတာလည်း သူတို့ကို သစ္စာရှိလို့ ချစ်လို့ မဟုတ်ဘဲ ကြောက်လို့သာ ဖြစ်တယ်လို့ ဆိုပါတယ်။
“နိုင်ငံတကာ ကယ်ဆယ်ရေးတပ်တွေ ဝင်လာရင် ဘယ်စစ်သားမှ အသေခံ ခုခံတိုက်ခိုက်မှာ မဟုတ်ဘူး။ အဲဒါတော့ ပြောရဲတယ်” လို့ သူက သုံးသပ်ပါတယ်။
လေ့လာသူတချို့ကတော့ မြန်မာ့တပ်မတော်ရဲ့ မျိုးချစ်စိတ်တို့..၊ အမျိုးသားရေးဝါဒတို့က အတိတ်မှာ ကျန်ခဲ့ပြီလို့ ဆိုပါတယ်။ အဲဒါတွေက ၁၉၄၀ ပြည့်နှစ်ဝန်းကျင်နဲ့ ၁၉၅၀ ပြည့်နှစ်ဝန်းကျင် လွတ်လပ်ရေးမရမီနဲ့ လွတ်လပ်ရေးရပြီးခါစ ကာလတွေက စိတ်ဓာတ်တွေ ဝါဒတွေပါလို့ ပြောကြပါတယ်။ အခု အခြေအနေနဲ့တော့ တော်တော်လေး ကွာခြားနေပါပြီ။ မြန်မာ့တပ်မတော်ရဲ့ ဂုဏ်သိက္ခာဟာလည်း အရှေ့တောင်အာရှ နိုင်ငံတွေ ကြားမှာတောင် လုံးဝကျဆင်းနေပြီး ၄၆ နှစ် လောက် ခေတ်နောက်ပြန်ဆွဲနေတဲ့ စည်းကမ်းတွေနဲ့ ဟန်ပဲ ရှိတော့တာ ဖြစ်တယ်လို့ လေ့လာသူတွေက ဆိုပါတယ်။
ဒီမိုကရေစီနဲ့ ဖွံ့ဖြိုးတိုးတက်ရေးကွန်ယက် အဖွဲ့ရဲ့ သုတေသန ပညာရှင်တဦးဖြစ်သူ ဦးဌေးအောင်ကတော့ တကယ်လို့သာ ကယ်ဆယ်ရေးတပ်တွေ မြန်မာနိုင်ငံတွင်း ဝင်ရောက်လာမယ် ဆိုရင် စစ်တပ်ရဲ့ အကြီးအကဲ တွေက သူတို့ရဲ့ တပ်တွေကို ခံချခိုင်းမှာပဲလို့ သုံးသပ်ပါတယ်။
“ဒါပေမယ့် ကြာကြာတော့ တောင့်ခံနိုင်မှာမဟုတ်ဘူး။ ဘာလို့လည်းဆိုတော့ မြန်မာစစ်သားတွေ အနေနဲ့ သူတို့ ခေါင်းဆောင် တွေကို ကြောက်လို့သာ ပြန်ချရမှာလေ” လို့ သူကဆက်ပြောပါတယ်။
မြန်မာ့တပ်မတော်ရဲ့ စွမ်းရည်ကတော့ နိုင်ငံတကာက တကယ့် အရည်အသွေးမြင့် တပ်သားတွေ၊ အဆင့်မြင့် နည်းပညာ တွေကို ဘယ်လိုမှ မကာကွယ်နိုင်မှာကို သံသယဖြစ်စရာမရှိဘူးလို့ ဦးဌေးအောင်က သုံးသပ်ပါ တယ်။
“၁၉၅၀ ပြည့်နှစ်တွေတုန်းကတော့ မြန်မာ့တပ်မတော်က ရှမ်းပြည်ကိုကျူးကျော်လာတဲ့ တရုတ်ကူမင်တန် တပ်တွေကို တိုက်ထုတ်နိုင်လောက်အောင် အင်အားတောင့်တင်းတာ မှန်ပါတယ်။ ဒါပေမယ့် ခု ကယ်ဆယ်ရေး တပ်တွေနဲ့တော့မတူ ဘူးလေ။ ကယ်ဆယ်ရေးတပ်တွေက ပြည်သူတွေကို ကယ်ဆယ်ဖို့ လာမှာမဟုတ်လား” လို့ သူက သူ့အမြင်ကို ပြောပြပါတယ်။
တရုတ် - မြန်မာ နယ်စပ်က မြန်မာ့တပ်မတော်နဲ့ ပတ်သက်လို့ သုတေသန ပြုနေတဲ့ ဦးအောင်ကျော်ဇောကတော့ မြန်မာ့ တပ်မတော်ဟာ အပြည်ပြည်ဆိုင်ရာက ပေးနေတဲ့ ဖိအားကို တွန်းလှန်မှာမဟုတ်ဘူးလို့ သုံးသပ် ပါတယ်။
သူက “ဒီနေ့တပ်မတော်က လွတ်လပ်ရေးခေတ်တုန်းက တပ်မတော်နဲ့ ဘာမှမဆိုင်ဘူး။ မြန်မာ တပ်မတော် အရာရှိတွေ အားလုံး ဒီနေ့ဒီအချိန်မှာ အကျင့်ပျက် ခြစားနေကြပြီ။ သူတို့ အကျိုးစီးပွားတခုပဲ ကြည့်ကြ တော့တယ်” လို့ ဆက်ပြောတယ်။
တကယ်လို့သာ တပ်မတော်က နိုင်ငံတကာက ဖိအားပေးတာကို ဆန့်ကျင်မယ် ဆိုရင်လည်း သိပ်ကြာကြာ တောင့်ခံနိုင်မှာ မဟုတ်ပါဘူးလို့ သူကသုံးသပ်ပါတယ်။
“ခုဟာက သီပေါမင်းပါတော်မူတဲ့ ၁၈၈၅ ခုနှစ်လည်းမဟုတ်ဘူး။ လွတ်လပ်ရေး အတွက်တိုက်ပွဲဝင်နေတဲ့ ၁၉၄၀ ပြည့်နှစ် လည်း မဟုတ်ဘူး” လို့ ဆက်ပြောပါတယ်။
ခုဆိုရင် မြန်မာပြည်သူတွေကလည်း လေဘေးဒုက္ခသည်တွေကို ကယ်တင်ချင်တဲ့ စိတ်တခုပဲ ရှိတော့တယ်။ တချို့ကဆို အမေရိကန်တပ်တွေ ဘယ်တော့ဝင်မှာလဲ။ ဝင်မှာဖြင့်လည်းမြန်မြန်ဝင်ပါတော့ ဆိုတာမျိုး ပြောနေကြပြီ။ ဝေဒနာ ခံစားနေ ရတဲ့ သူတို့လို ပြည်သူတွေရဲ့ ဒုက္ခကို မကြည့်ရက်ကြတော့ဘူး။
ရန်ကုန်မှာနေတဲ့ နောက်ဆုံးနှစ် ကျောင်းသူတဦးကဆို “ကိုလိုနီလက်အောက်ခံ ဖြစ်ရင်လည်း ဖြစ်ပါစေတော့။ စစ်အစိုးရ ထက်တော့ ပိုကောင်းမှာပဲ” လို့ကိုပြောပါတယ်။ စက်တင်ဘာတော်လှန်ရေး ပြီးခါစထက် အမှန်တရားနဲ့ ပိုနီးစပ်တယ်လို့ ပြောနိုင်တဲ့ အချက်ကတော့ မြန်မာ့ရေ ပိုင်နက် အဝမှာ နိုင်ငံတကာ စစ်သင်္ဘောတွေ တကယ်ရောက်နေတယ် ဆိုတဲ့ အချက်ပါပဲ။
မြန်မာ ပြည်သူလူထုရဲ့ မျှော်လင့်ချက်က ဘယ်လောက်ကြီးမားလဲဆိုရင် ဟုတ်တာမဟုတ်တာ အသာထား ဝက်ဘ်ဆိုက်တွေ ဘလော့တွေကနေ မြန်မာ့မြေပေါ် ကယ်ဆယ်ရေးတပ်တွေ ရောက်လာရင် ဘယ်လိုနေသင့်တယ် ဆိုတာကို အဲဒီစစ်သင်္ဘော တွေမှာ ရေးထားတယ်ဆိုတဲ့အကြောင်း ဖြန့်ဝေပြီးနေပြီ။ အီးမေးလ်တွေကတဆင့် အချင်းချင်း ဖြန့်ဖြူးလို့။ တချို့လည်း စိတ်ဓာတ်တက်ကြွ၊ တချို့လည်း ကြောက်လန့်နေကြတယ်။
ထိုင်းနိုင်ငံ ချင်းမိုင်မှာနေတဲ့ မြန်မာ့အရေး လေ့လာသူ ကိုဝင်းမင်းကတော့ တပ်မတော်အရာရှိ အများစုအနေ နဲ့ တိုင်းပြည်ရဲ့ အပြောင်းအလဲကိုလိုလားတဲ့အတွက် နိုင်ငံတကာရဲ့ ကယ်ဆယ်ရေးတပ် တွေကို ပြန်ခုခံမှာ မဟုတ်ဘူးလို့ သုံးသပ်ပါတယ်။ဘယ်လိုပဲဖြစ်ဖြစ် မြန်မာလူထုအတွက် ကယ်တင်ရှင်ကတော့ လိုနေပါတယ်။ အဲဒါလည်း ခုမှမဟုတ်ဘဲ စစ်အစိုးရလက်ထက် တလျှောက်လုံးလို့ ဆိုရမလိုပါ။ အဲဒီကယ်တင်ရှင်က အမေရိကန်လား၊ ပြင်သစ်လား၊ အင်္ဂလန်လား…။ ဘယ်သူပဲဖြစ်ဖြစ် စစ်အစိုးရထက်တော့ သာမှာပဲဆိုတဲ့စိတ်က သာမန်ပြည်သူတွေရဲ့ စိတ်ထဲ ကိန်းအောင်းနေတာတော့ အမှန်ပါပဲ။

.............................................................................................................

လေဘေး ပြန်လည်ထူထောင်ရေး စစ်အစိုးရက စီးပွားရေးကုမ္ပဏီများကို ကန်ထရိုက်ပေး ကိုစိုး မေ ၁၆၊ ၂၀၀၈

နာဂစ် ဆိုင်ကလုန်း မုန်တိုင်း ဒဏ်ကြောင့် ဧရာဝတီ တိုင်းနှင့် ရန်ကုန်တိုင်းတို့ရှိ အဆောက်အဦ အိမ်ရာစသည့် ပျက်စီး ဆုံးရှုံးမှုများ ပြန်လည်တည်ဆောက်ရေးအတွက် စစ်အစိုးရ၏ မြို့ရွာ ပြန်လည်ထူထောင်ရေးအဖွဲ့က ပုဂ္ဂလိက ကုမ္ပဏီ ၄၃ ခု ကို လုပ်ငန်းများ ခွဲဝေချထားပေးရန် လျာထားကြောင်း ရန်ကုန် စီးပွားရေး အသိုင်းအဝန်း မှ သိရှိရသည်။
အဆိုပါစီမံကိန်းအတွက် မြို့နယ်အလိုက်လုပ်ငန်းများခွဲဝေရရှိမည့် ကုမ္ပဏီများတွင် စစ်အစိုးရနှင့် နီးစပ်ပြီး အကျိုး စီးပွား များစွာ ဖြစ်ထွန်းနေသော နာမည်ကြီး ဧရာရွှေဝါ၊ ဇေကမ္ဘာ၊ ယုဇန၊ အေးရှားဝေါလ်၊ ထူး၊ ဧဒင်၊ ရွှေသံလွင်၊ မက်စ် မြန်မာနှင့် အက်ဖ် အမ် အိုင် စသည့် ကုမ္ပဏီများ ထိပ်ဆုံးမှ ပါဝင်ကြောင်း နီးစပ်သူများကပြောဆိုသည်။
ရန်ကုန်မြို့မှ စီးပွားရေးသမားတဦးကမူ“မကြာခင်သေးခင်ကပဲ အစိုးရက ကုမ္ပဏီတွေကို ပိုက်ဆံချမပေးနိုင်ဖြစ်ခဲ့သေးတယ်၊ ဒါပေမယ့် အဲဒီ ကုမ္ပဏီတွေကို ကားပါမစ်တွေတော့ ထုတ်ပေးလိုက်တယ်တဲ့”ဟု ပြောသည်။
ယင်းကုမ္ပဏီများထဲမှ ဧရာရွှေဝါ ကုမ္ပဏီသည် နအဖ ဗိုလ်ချုပ်ကြီး သူရရွှေမန်း၏ သား ဦးအောင်သက်မန်းပိုင် ကုမ္ပဏီဖြစ်ပြီး လပွတ္တာမြို့နယ်တွင် ပြန်လည်ထူထောင်ရေးလုပ်ငန်းများ လုပ်ကိုင်ခွင့်ရမည်ဖြစ်သည်။ ၎င်းကုမ္ပဏီ သည် နေပြည်တော် စစ်ရုံးဆောက်လုပ်ရေး လုပ်ငန်း ကန်ထရိုက်ရရှိခဲ့ဖူးသည်။
လပွတ္တာမှ ကူညီကယ်ဆယ်ရေးလုပ်နေသူတဦးကမူ ယင်း ဧရာရွှေဝါကုမ္ပဏီသည် စာသင်ကျောင်းများနှင့် ဘုန်းကြီးကျောင်း များတွင် ခိုလှုံနေသည့် လေဘေး ဒုက္ခသည်များကို အဓမ္မခေါ်ယူ၍ တနေ့ ကျပ် ၈၀၀ ဖြင့် အလုပ်ခိုင်းစေမှုများ ရှိကြောင်း ပြောပြသည်။
လပွတ္တာတွင်ပင် ဇေကမ္ဘာ၊ မက်စ်မြန်မာ နှင့် ဝါဝါဝင်း ကုမ္ပဏီတို့သည်လည်း လုပ်ငန်းများ လုပ်ကိုင်ခွင့်ရမည်ဖြစ်သည်။ ယင်း လပွတ္တာမြို့နယ် ပြန်လည် ထူထောင်ရေး လုပ်ငန်းများ တာဝန်ခံမှာ ဗိုလ်ချုပ်ဌေးဦး ဖြစ်ကြောင်း သိရသည်။
ဗိုလ်ချုပ်မှူးကြီးသန်းရွှေနှင့် နီးစပ်သူဟု လူအများပြောဆိုနေကြသော ဦးတေဇ ၏ ထူး ကုမ္ပဏီမှာမူ ဘိုကလေးမြို့ လုပ်ငန်း များကို လုပ်ကိုင်ခွင့်ရမည်ဖြစ်ကြောင်းသိရသည်။ ဒိုင်းမွန်းမာကျူရီအမည်ရှိ ကုမ္ပဏီတခုလည်းဘိုကလေးတွင် လုပ်ကိုင်ခွင့် ရမည်ဟု ဆိုသည်။ ဘိုကလေးမြို့၏ ပြန်လည်ထူထောင်ရေးလုပ်ငန်းများ တာဝန်ခံမှာ ဗိုလ်မှူးချုပ် သိန်းအောင် ဖြစ်သည်။
ဘိန်းဘုရင် လော်စစ်ဟန်၏သား ဦးထွန်းမြင့်နိုင်(စတီဗင်လော) ပိုင်ဆိုင်သော အေးရှားဝေါလ် ကုမ္ပဏီသည် ကွမ်းခြံကုန်းမြို့ ပြန်လည်ထူထောင်ရေး လုပ်ငန်းများကို ၎င်းတဦးတည်းလုပ်ကိုင်ခွင့်ပေးရန် လျာထားခံရကြောင်း နှင့် ဧဒင် ဆောာက်လုပ် ရေး ကုမ္ပဏီကိုလည်း ဒေးဒရဲ မြို့အတွက် တဦးတည်း လုပ်ကိုင်ခွင့်ပေးရန် လျာထား ကြောင်း တို့ကိုလည်း သိရှိရသည်။
ကွမ်းခြံကုန်းနှင့် ဒေးဒရဲ မြို့တို့၏ ပြန်လည်ထူထောင်ရေးလုပ်ငန်းများ တာဝန်ခံမှာ ဗိုလ်မှူးချုပ် လွန်းသီ ဖြစ်သည်ဟု ဆိုသည်။
ရွှေသံလွင် နှင့် အက်ဖ်အမ်အိုင် ကုမ္ပဏီတို့မှာ ရေတပ်အခြေစိုက် ဟိုင်းကြီးကျွန်းနှင့် ငပုတောမြို့တို့၏ ထူထောင်ရေး လုပ်ငန်းများရရှိမည်ဖြစ်ပြီး အရုဏ်ဦး၊ တက်လမ်း၊ မိုးကြယ်စင်နှင့် သိဏ်းအမည်ရှိ ကုမ္ပဏီများလည်း ပါဝင်ကြောင်း သိရသည်။ ယင်းဒေသ၏ ပြန်လည်ထူထောင်တည်ဆောက်ရေး တာဝန်ခံမှာ ဗိုလ်မှူးချုပ် မျိုးမြင့်သန်း ဆိုသူ ဖြစ်သည်။
ရန်ကုန်အခြေစိုက် ဝါရင့် မဂ္ဂဇင်း အယ်ဒီတာ တဦးကမူ အစိုးရအနေနှင့် ဒုက္ခသည်များအတွက် ကူညီကယ်ဆယ်ရေး လုပ်ငန်းများကိုသာ ဦးစားပေးလုပ်သင့်ကြောင်း ပြောဆိုသည်။
“အစိုးရအနေနဲ့ အခုအချိန် ဦးစားပေးလုပ်ရမှာက ဒုက္ခသည်တွေလိုအပ်နေတဲ့ အစားအစာ၊ အမိုးအကာတွေနဲ့ သောက်သုံး ရေသန့် တွေရအောင်လုပ်ပေးသင့်ပါတယ်၊ အစိုးရက ဒုက္ခသည်တွေကို ကျပ် ၁ သောင်းလောက်တန်တဲ့ သွပ် တချပ်ကို ၄၅၀၀ နဲ့ရောင်းပေးတယ်တဲ့၊ ဒါပေမယ့် ဒုက္ခသည်တွေမှာက ဝယ်စရာ ပိုက်ဆံတပြားမှ မရှိဘူး”ဟု အထက်ပါ ဝါရင့် အယ်ဒီတာ က ပြောသည်။
ယင်းသို့ ပြန်လည်ထူထောင်ရေးလုပ်ငန်းများ လုပ်ခွင့်ပေးရန်လျာထားသည့် ကုမ္ပဏီများတွင် တခြားသော ဒဂုံ၊ ယုဇန၊ ပြည့်ဖြိုးကျော်၊ အေဝမ်း၊ တီဇက် တီအမ်၊ Original ၊ မောင်ဝိတ်၊ Golden Flower ၊ ဖွံ့ဖြိုးအောင်၊ Tosta ၊ ရွှေတောင်၊ Asia Express ၊ Naing Group ၊ Universal ၊ သော်တာဝင်း ၊ Shine ၊ အက်ပီဒင် ၊ အေရိပ်မွန် ၊ Excel ၊ ရွှေကမ္ဘာ ၊ နောင်တုံ ၊IEG ၊ ရွှေဘုရင်၊ မြန်မာ့အလှ ၊ Opal ၊ ချမ်းသာ ၊ WHK ၊ KMA ၊ ဌေးမိသားစု စသည့် ကုမ္ပဏီများလည်း ပါဝင်ကြောင်း သိရသည်။
မုန်တိုင်းဒဏ်ကြောင့် ပြန်လည်ထူထောင် တည်ဆောက်ရေးလုပ်ငန်းများပြုလုပ်မည့် မြို့နယ်များမှာ ဧရာဝတီတိုင်းမှ လပွတ္တာ၊ ဘိုကလေး၊ ဖျာပုံ၊ မော်လမြိုင်ကျွန်း၊ ကျိုက်လတ်၊ ဒေးဒရဲ ၊ ငပုတော(ဟိုင်းကြီး) စသည့် (၇) မြို့နယ် အပါအဝင် ရန်ကုန်တိုင်းမှ တွံတေး၊ သံလျင်/ကျောက်တန်း၊ ခရမ်း၊ သုံးခွ၊ ကွမ်းခြံကုန်း၊ ကော့မှူး၊ ဒလ ၊ ဆိပ်ကြီး/ ခနောင်တို မြို့နယ် များ နှင့် ရန်ကုန်မြို့ရှိ အရှေ့ပိုင်း ခရိုင် (အေ) (ဘီ) နှစ်ပိုင်းနှင့် အနောက်ပိုင်းခရိုင် (စီ) (ဒီ) နှစ်ပိုင်း တို့ ဖြစ်ကြောင်း သိရသည်။
ယနေ့ထုတ် အစိုးရ မြန်မာ့အလင်းသတင်းစာတွင် ဝန်ကြီးချုပ် ဗိုလ်ချုပ်ကြီးစိန်က ကယ်ဆယ်ရေးလုပ်ငန်းများကို ထိန်းသိမ်း ဆောင်ရွက်ထားပြီးဖြစ်၍ ပြန်လည်ထူထောင်ရေး လုပ်ငန်းများကို စတင်ဆောင်ရွက်နေပြီဖြစ်ကြောင်း၊ ယင်းလုပ်ငန်းများ အတွက် ပုဂ္ဂလိကကုမ္ပဏီများ၏အကူအညီကို ရယူသွားမည်ဖြစ်ကြောင်း ပြောဆိုချက်ကို ဖော်ပြ ထားသည်။မေလ ၁၂ ရက်နေ့က ရန်ကုန်တိုင်း စစ်ဌာနချုပ်တွင်ပြုလုပ်သည့် လေဘေးသင့်ဒေသများ ပြန်လည်ထူထောင် တည်ဆောက် ရေး အစည်းအဝေးတွင်လည်း ပုဂ္ဂလိက ကုမ္ပဏီများနှင့် လက်တွဲလုပ်ဆောင်သွားမည်ဖြစ်ကြောင်း ဗိုလ်ချုပ်ကြီး သိန်းစိန်က ပြောကြားခဲ့သည်ဟု မေလ ၁၃ ရက်နေ့ထုတ် မြန်မာ့အလင်းသတင်းစာက ဖော်ပြသည်။